О́tken aptanyń dúısenbisi kúni 900-ge tarta qashqyn ıtalııalyq Sısılııa aralynyń ońtústiginde ornalasqan Passalo eldi mekenine kelip jetken. Munyń aldyndaǵy demalys kúnderi ıtalııalyq jáne fransııalyq korablder Sısılııa buǵazynda 6 myńǵa jýyq qashqyndy sýǵa ketýden saqtap qalǵan bolatyn. Atalǵan operasııa barysynda ondaǵan adamdardyń óli denesi de tabylǵan.
Jerorta teńizin jasyryn túrde júzip ótemin dep bıylǵy jyldyń ózinde 1750 mıgrant qaza tapqan bolatyn. Osyǵan oraı sáýir aıynda ótken Eýropalyq odaqtyń tótenshe sammıtinde eýropalyq kóshbasshylar Jerorta teńiziniń ústindegi qutqarý operasııalaryn qarjylandyrý deńgeıin 3 ese ósirý jóninde sheshim qabyldaǵan edi.
Sarapshylar pikirinen málim bolǵanyndaı, bıylǵy jyly Italııa jaǵalaýlaryna kelýshi jasyryn qashqyndar sany 200 myń adamǵa jetýi múmkin. Bul ótken jylǵy kórsetkishten 30 myń adamǵa kóp.
О́tken jeksenbi kúni Lıvııanyń jaǵalaý kúzeti Trıpolıden 60 shaqyrymdyq qashyqtyqta mıgranttardyń bes qaıyǵyn ustap aldy. Qaıyqtaǵy 500 adam Eýropaǵa jasyryn túrde jetýdi kózdegen eken. Olardyń barlyǵy ustaldy. Osy oqıǵaǵa baılanysty qolǵa túskender jaǵdaıǵa degen óz narazylyqtaryn ashyna otyryp jetkizgen.
«Biz qaýip-qaterge qaramastan, osylaı isteýge májbúr bolyp otyrmyz. Áıtpese, mundaı sapardyń bizdiń ómirimiz úshin qaýipti ekendigin jaqsy bilemiz. Bizge sý betimen uzaq júzýge týra keledi. Birinshi kezekte Sýdannan Lıvııanyń Adjdabııa qalasyna deıin kelýimiz kerek. Munan keıin osyndaı jolmen taǵy da qozǵalamyz. Trıpolıge deıin jetemiz. Bizdiń mundaı saparymyzdyń árbir sáti ońaıǵa soqpaıdy. Kez kelgen sátte qazaǵa ushyraýymyz múmkin ekendigin jaqsy bilemiz. Biz nege osyndaı jaǵdaıǵa túsip otyrmyz? О́ıtkeni, óz ómirimizdi táýekelge sala otyryp, Eýropaǵa jetýimiz qajet. Sonda ǵana bizdiń azapty ómirimizde ózgeris bastala ma degen úmittemiz», deıdi qashqyndardyń biri.
О́ńirge shetten qashyp kelýshilerdiń kóbeıýine baılanysty Eýropalyq odaqtaǵylar jasyryn mıgrasııamen kúrestiń avstralııalyq tájirıbesin zertteýdi jón kórip otyrǵan sekildi. Muny premer Tonı Ebbot kýálandyrǵan. Bul jerde áńgime Avstralııa úkimet organdarynyń jasyryn mıgranttardy, kemeler men qaıyqtardy qolǵa túsirip, olardy osy eldiń aýmaǵyndaǵy sýlardan shetke shyǵaryp jiberý operasııalaryn júrgizý tásilderi týraly bolyp otyr. Alaıda, quqyq qorǵaýshylar avstralııalyq bılik organdary barynsha sátti júrgizip jatyr dep eseptelgen mundaı operasııalardy adamgershilikke, gýmanızmge barynsha qaıshy dep esepteıdi.