Prezıdent jappaı sıfrlandyrý jáne jasandy ıntellektini engizý kómekshi qyzmet atqarýmen shektelmeı, ekonomıkalyq damýdyń basty arqaýy bolýy tıis ekenin aıtty.
«JI negizinde sıfrlandyrýdyń birqatar basty mindetterin oryndaý qajet. Bul – eńbek ónimdiligin arttyrý, ekonomıkanyń eksportqa baǵdarlanǵan sektorlaryn qalyptastyrý, qosylǵan quny joǵary ónim shyǵarý jáne Qazaqstandy jahandyq sıfrlyq ekonomıka tizbegine kiriktirý. Jańa ınvestısııalyq kezeńdi iske asyrý elimizdiń ındýstrııa, energetıka, kólik salalaryndaǵy zamanaýı júıesin qalyptastyrýǵa múmkindik beredi.
Jasandy ıntellektini damytý, bul – uran emes, bul ekonomıkalyq ıdeologııanyń negizgi tiregi, tipti ulttyq ıdeologııamyzdyń myzǵymas tuǵyry bolýǵa tıis. Osyndaı jaýapty sátte durys, batyl ári tıimdi sheshimderdi der kezinde qabyldaý óte mańyzdy. Shynaıy ómirge túk qatysy joq «qurǵaq» usynystar berý, qysqasy, nátıjesi joq ispen aınalysý múldem bolmaýy qajet», dedi Prezıdent.
«Ártúrli kózqaras – birtutas ult»: Prezıdent elimiz úshin mańyzdy qaǵıdatty atady
Memleket basshysy ınflıasııany oıǵa qonymdy, qalypty deńgeıge túsirip, onyń sharyqtap ketýine jol bermeý kerektigine toqtaldy.
«Inflıasııanyń ne sebepti joǵary bolyp turǵany belgili, keseldiń sebebi anyqtaldy. Endi osy máseleni sheshý kerek. Biraq usynylatyn sharalar eldiń damýyna keri áserin tıgizbeýi qajet. Dál osy tusta túrli pikir aıtylyp jatyr. Úkimet pen Ulttyq bankke birlesip naqty is-qımyl algorıtmin ázirleýdi tapsyramyn. Osy mańyzdy jumysqa barlyq mekeme ókilderi men sarapshylar qatysýǵa tıis.
Taǵy da qaıtalap aıtamyn: qolaısyz ahýaldy shuǵyl retke keltirý qajet. Bıyldan bastap úsh jyl qatarynan ınflıasııany tómendetý úshin naqty sharalar qabyldaý kerek. Birlesken is-qımyl baǵdarlamasyn sapaly oryndaý aıryqsha mańyzdy. Máseleni sheshýdiń ornyna bos sózdi kóbeıtip, qajetsiz «jol kartalaryn» ázirleý – jaýapkershilikten qashý degen sóz. Aldyn ala eskertý: ondaı jaǵdaıda qatań shara qoldanylady. Halyqtyń tabysy artsa ǵana, naqty nátıjege qol jetkizdik dep sanaýǵa bolady», dedi Prezıdent.Toqaev: Advokattardyń usynysymen Ata zań jobasyna advokatýra týraly jeke bap qosyldy
