Inflıasııamen kúres: Úkimettiń negizgi qadamdary qandaı?

Jıyn qorytyndysynda Úkimet ekonomıkalyq jáne ınvestısııalyq saıasat boıynsha keshendi mindetter júktedi.

Ekonomıkalyq blok

Úkimet ınflıasııany tómendetý jáne baqylaýdy kúsheıtý, bıznes shyǵyndaryn azaıtý, taýar naryqtaryndaǵy básekelestikti arttyrý jáne sıfrlyq teńgeni keńinen engizý boıynsha naqty tapsyrmalar berdi.

Baǵa turaqtylyǵyn qamtamasyz etý úshin turaqtandyrý qorlary, forvardtyq kelisimsharttar jáne saýda sýbektilerimen kelisimder tetikterin belsendi paıdalaný tapsyryldy.

Prezıdent tapsyrmasy: Mınıstrlikterdiń aldaǵy mindetteri naqtylandy

Salyq salasynda halyq pen bıznes úshin túsinikti ári boljamdy júıe qalyptastyrý, tıimdi salyqtyq ákimshilendirý men erte eskertý mehanızmderin engizý qajettigi atap ótildi.

Sonymen qatar:

bızneske arnalǵan biryńǵaı sıfrlyq ekojúıe qurý;

taýarlardy sıfrlyq tańbalaýdy óndiris prosesine kedergi keltirmeı keńeıtý;

ShOB sýbektilerin jospardan tys tekserý tetigin qaıta qaraý;

aktıvterdi basqarýdy ońtaılandyrý;

Alataý qalasyn sapaly damytý mindetteri qoıyldy.

Qarjy jáne salyq salasy

Qarjy mınıstrligine 1 mamyrǵa deıin bıýdjettik baǵdarlamalarǵa keshendi aýdıt júrgizý tapsyryldy.

Tamyz aıynyń sońyna deıin Ulttyq bankpen birlesip sıfrlyq teńgeni túrli salalarda engizý sharalary qabyldanady.

Jyl sońyna deıin marketpleısterge, ınternet-agregatorlarǵa jáne ekinshi deńgeıli bankterge salyq agenti mártebesin berý boıynsha zańnamalyq ózgerister ázirlenedi.

Investısııalyq saıasat

2030 jylǵa deıin negizgi kapıtalǵa ınvestısııalar tartý boıynsha nysanaly ındıkatorlar ázirlenedi. Basym jobalar pýly qalyptastyrylyp, bıýdjetten tys qarajat tartý boıynsha KPI bekitiledi.

Syrtqy ister mınıstrligi Kazakh Invest-pen birlesip iri ınvestorlarmen jumysty kúsheıtedi. Sonymen qatar ınvestısııalyq jobalardyń iske asyrylýyn sıfrlyq platforma arqyly monıtorıngteý kúsheıtiledi.

Oljas Bektenov: Úkimet «shynaıy muqtaj adamdarǵa ǵana kómek» qaǵıdatyn qatań ustanady

Bir aı ishinde 2030 jylǵa deıingi naqty qarjylandyrý kózderi boıynsha kórsetkishter naqtylanady jáne jeke ınvestısııa úlesin arttyrý sharalary ázirlenedi.

Sıfrlandyrý jáne jasandy ıntellekt

Derekterdi basqarý ınfraqurylymyn damytý, KazLLM-di keńinen engizý, Aitu messendjeriniń fýnksıonalyn jetildirý, Tasqyn jáne Talsim júıelerin biriktirý tapsyryldy.

1 qazanǵa deıin Sıfrlandyrýdy qarjylandyrý qory tolyq iske qosylady.

Bir aı ishinde bızneske sıfrlyq sheshimderdi engizýdi yntalandyrý sharalary usynylady.

10 kún ishinde aqparattyq júıelerdi «QazTech» platformasyna kóshirý jospary bekitiledi.

Naqty sektordy damytý

Energetıka, óńdeý ónerkásibi, munaı-gaz hımııasy, kólik jáne AО́K salalaryndaǵy ınfraqurylymdyq jobalardy ýaqytynda aıaqtaýǵa basymdyq berildi.

Energetıka

Biryńǵaı energojúıeniń onlaın-monıtorıngi engiziledi.

2027 jylǵa deıin Batys óńirdi Biryńǵaı energetıkalyq júıege qosý jáne Ońtústik aımaqty kúsheıtý josparlanǵan.

20 aqpanda Kómir generasııasy jónindegi ulttyq jospar usynylady.

О́nerkásip

Polımerlik ónimderdi tereń óńdeýdi qoldaý tetikteri ázirlenedi.

Arnaıy ekonomıkalyq aımaqtardy transformasııalaý boıynsha usynystar engiziledi.

Shıkizatty tereń óńdeý men eksportty arttyrý úshin jańa yntalandyrýlar usynylady.

 Kólik jáne logıstıka

Iri temirjol jobalary kezeń-kezeńimen iske qosylady.

Júk vagondaryn berý prosesi tolyq sıfrlandyrylýy tıis.

Smart Cargo platformasy jyl sońyna deıin óndiristik paıdalanýǵa engiziledi.

Avtojol jobalary jedeldetilip, shekaradaǵy 33 ótkizý pýnkti jańǵyrtylady.

Úkimet Prezıdent tapsyrmalaryn júzege asyrýǵa kiristi

Aýyl sharýashylyǵy

Ishki naryqty otandyq azyq-túlikpen qamtamasyz etý sharalary kúsheıtiledi.

15 sáýirge deıin veterınarııany damytý jospary usynylady.

1 maýsymǵa deıin aýyl sharýashylyǵy kooperasııasy týraly zań jobasy ázirlenedi.

1 qyrkúıekke deıin sýbsıdııalaý júıesiniń ashyqtyǵyn qamtamasyz etetin aqparattyq júıe tolyq iske qosylady.

Úkimettiń tapsyrmalary ınflıasııany baqylaýdan bastap sıfrlandyrý men ınvestısııa tartýǵa, energetıka men logıstıkany jańǵyrtýǵa deıingi barlyq negizgi baǵyttardy qamtıdy. Negizgi maqsat – ekonomıkanyń turaqtylyǵyn arttyrý, jeke ınvestısııa úlesin kóbeıtý jáne naqty sektordy júıeli damytý.