ALMATY. 13 tamyz. Qytaı basshylyǵy Tıanszındegi jarylystan zardap shekkenderdi qutqarýǵa meılinshe kúsh salyp, apat zardabyn álsiretýge baılanysty úndeý tastady. Bul týraly sınhýa habarlady.
KHR Tóraǵasy Sı Szınpın joǵalǵan adamdardy izdestirý men ot-jalyndy basýdy qatar júrgizýge tapsyrma berdi. Sársenbiniń túninde respýblıkanyń Soltústigindegi aılaqty qala Tıanszınde bolǵan jarylystan – sońǵy málimet boıynsha – 17 adam qaza taýyp, 400-den astam adam jaraqat aldy. Onyń 32-niń hali aýyr kúıde.
Memlekettik Keńestiń Premeri Lı Kesıan bılikke izdestirý men qutqarý jumysyn jedeldetip ári óte tyńǵylyqty júrgizýge tapsyrma berdi. Sondaı-aq, Premer apatqa qatysty tergeý sharalarynyń muqııat júrgiziletinin, ol týraly halyqqa jarııa eteletini týraly da aıtty.
Qutqarý jumystary áli de júrgizilýde.
Talǵat Súıinbaı.
Derek, sýret: sınhýa.