Qazaqstanda Konstıtýsııalyq reforma sheńberinde jańa Ata zań jobasyn qoldaý sharalary jalǵasyp jatyr. 12 aqpanda respýblıkalyq «Egemen Qazaqstan» gazetinde jańa Konstıtýsııa jobasy resmı jarııalandy. Qujat 2025 jyldyń qazan aıynan bastap ázirlendi. Aldaǵy respýblıkalyq referendým 15 naýryzǵa josparlanǵan, dep habarlaıdy Egemen.kz.
Parlamentarızm ınstıtýty reformalyq proseste belsendi ról atqaryp, azamattardan kelgen 600-ge jýyq bastamany jan-jaqty saraptap, mazmundyq jáne strategııalyq mańyzdy usynystardy Parlamenttik reforma jónindegi otyrystarǵa shyǵardy. Instıtýt dırektory Natalıa Pan jumys toby quramynda negizgi erejelerdi talqylaýǵa qatysyp, jańa jobanyń kásibı saraptamasyn qamtamasyz etti.
Parlamentarızm ınstıtýtynda ótken jańa Konstıtýsııa jobasyn talqylaý is-sharasyna Parlament depýtattary, memlekettik organdar ókilderi, qoǵam qaıratkerleri, sarapshylar men ǵalymdar qatysty. Is-sharany ınstıtýt dırektory Natalıa Vıssarıonovna Pan júrgizdi.
Májilis depýtaty, «Aýyl» partııasy fraksııasynyń jetekshisi Serik Egizbaev Konstıtýsııa jobasynyń zamanaýı syn-qaterlerge jaýap beretinin atap ótip, onyń saıası júıeni jańǵyrtýǵa jáne halyqtyń memlekettik basqarýǵa qatysýyn nyǵaıtýǵa baǵyttalǵanyn aıtty.
«Konstıtýsııa – ýaqyt pen qoǵam suranysyna jaýap beretin ómirsheń qujat bolýy tıis», dedi depýtat.
Ol Ata zańdy qabyldaý búkil halyqtyń ortaq sheshimi bolýy qajettigin aıtyp, azamattardy aldaǵy referendýmda jobany qoldaýǵa shaqyrdy.
Májilis depýtaty, zań ǵylymdarynyń doktory Únzıla Shapaq halyqaralyq sharttardy qoldaný normalaryna keńinen toqtaldy.
«Halyqaralyq jáne ulttyq quqyq ózara is-qımyl men úılestirý tetikterine negizdeledi, bul eki quqyqtyq júıeniń derbestigin aıqyndaıdy» dedi Ú.Shapaq.
Usynylyp otyrǵan jańashyldyqtar Qazaqstannyń halyqaralyq mindettemelerine adaldyǵyn saqtaı otyryp, quqyqtyq aıqyndyqty qamtamasyz etedi.
Prezıdenttiń kezekti saılaýy: О́kilettik merzimi jáne daýys berý erejesi naqtylandy
Qoǵamdyq sana men azamattyq biregeılikJıynda sondaı-aq Ádilet mınıstrliginiń «Zańnama jáne quqyqtyq aqparat ınstıtýty» dırektory Indıra Aýbakırova, «Jastar» ǵylymı-zertteý ortalyǵynyń dırektory Gúlishan Nahbaeva jáne Qoldanbaly etnosaıası zertteýler ınstıtýty dırektorynyń orynbasary Ǵalı Dinmuhammed Ázimbaıuly baıandama jasady.
Ǵalı Dinmuhammed Ázimbaıuly sońǵy áleýmettik zertteý derekteri boıynsha azamattardyń 70-75 %-y ózin eń aldymen Qazaqstan azamaty retinde aıqyndaıtynyn atap ótti.
«Bul qoǵamda azamattyq sana basymdyqqa ıe tepe-teńdik saqtalǵanyn bildiredi. Munda bóliný emes, ortaq azamattyq negiz týraly sóz bolyp otyr», dedi spıker.
Onyń aıtýynsha, «Biz – Qazaqstannyń birtutas halqymyz» degen tujyrym jalpyulttyq birlik ıdeıasyn bildiredi, al ár azamat etnıkalyq tıesiligin erkin aıqyndaı alady.
Gúlishan Nahbaeva «Qazaqstan jastary – 2025» zertteýiniń nátıjelerin keltirip, jastardyń saıası úderisterge qatysýǵa beıim ekenin aıtty.
«Saıası kún tártibine qyzyǵýshylyq ártúrli deńgeıde qalyptasqan: 34,6 %-y mezgil-mezgil nazar aýdarady, 26,8 %-y mańyzdy oqıǵalar kezinde belsendi, al 14,3%-y turaqty túrde qadaǵalap otyrady», dedi G. Naýhabaeva.
Jańa Konstıtýsııada jeke derekterdi saqtaýǵa zańmen kepildik beriledi
QorytyndyKezdesý qorytyndysy boıynsha qatysýshylar jańa Konstıtýsııa jobasyn qoldaıtyndaryn jarııalap, onyń memleketti odan ári damytý, demokratııalyq ınstıtýttardy nyǵaıtý jáne azamattardyń sheshim qabyldaý úderisindegi rólin arttyrý turǵysynan strategııalyq mańyzǵa ıe ekenin atap ótti.
Jańa Konstıtýsııada el azamattyǵyna qatysty qandaı erejeler usynylǵan?