Maqsut Narikbayev University (MNU) zańger ǵalymdary Qazaqstan Respýblıkasynyń jańa Ata zańy jobasyn qoldaǵandaryn jarııalady. Ýnıversıtette «Jańa Konstıtýsııa – memlekettilik damýynyń jańa kezeńi» taqyrybynda dóńgelek ústel uıymdastyryldy, dep habarlaıdy Egemen.kz.
Is-shara barysynda professorlar búgin BAQ-ta jarııalanǵan jańa Konstıtýsııa jobasyn jan-jaqty qarastyryp, onyń mazmunyn talqylady. PhD doktory, MNU professory Marat Ahmadı memlekettik tildegi mátinge engizilgen keshendi túzetýler týraly aıtyp ótti. Konstıtýsııalyq komıssııanyń músheleri – zań ǵylymdarynyń doktorlary, MNU professorlary Únzıla Shapaq pen Indıra Áýbákirova, sondaı-aq komıssııa múshesi, MNU Basqarma tóraǵasy Talǵat Nárikbaev jańa Konstıtýsııa jobasynda ýnıversıtet professorlarynyń usynystary eskerilgenin atap ótti.
«О́zderińizge málim, kúni keshe Prezıdent Qasym-Jomart Toqaev 2026 jylǵy 15 naýryzda Jańa Konstıtýsııany qabyldaý jóninde respýblıkalyq referendým ótkizý týraly Jarlyqqa qol qoıdy. Biz elimizdegi zańgerler qaýymdastyǵy shoǵyrlanǵan ýnıversıtetimizde jańa Ata zań jobasyn alǵashqylardyń biri bolyp talqylaý mindetimiz dep sanadyq», dedi Talǵat Nárikbaev.
Sarapshylar: Jańa Konstıtýsııa jobasy memlekettik júıeniń ornyqtylyǵyn arttyrady
Dóńgelek ústel barysynda Qazaqstannyń alǵashqy Konstıtýsııasyn ázirleýge qatysqan ýnıversıtet professorlary da pikir bildirdi. MNU Emeritus Professor-y, zań ǵylymdarynyń doktory Tólesh Qaýdyrov jańa joba 1993 jáne 1995 jylǵy Konstıtýsııalarmen salystyrǵanda aıqyn artyqshylyqtar men jańalyqtarǵa ıe ekenin atap ótti. Sonymen qatar ýnıversıtet ǵalymdary qazaqsha nusqadaǵy termınologııalyq qatelerdi, maǵynalyq dálsizdikterdi, grammatıkalyq sáıkessizdikterdi jáne quqyqtyq-lıngvıstıkalyq qaıshylyqtardy túzetý boıynsha usynystar engizgen.
«Jańa Ata zań jobasy kóptegen qundylyqtardy qamtydy. Konstıtýsııanyń rýhy edáýir artty, ulttyq birtektiligimiz nyǵaıdy, sondaı-aq el turǵyndary retinde bizdiń biregeıligimizdi kórsetetin erejeler kózdelgen. Joba ortaq sheshim nátıjesinde qalyptasty. Konstıtýsııalyq komıssııa qyzmeti men túrli alańdardyń jumysy qoǵamnyń pikirin, kóńil-kúıi men ıdeıalaryn barynsha eskerýge baǵyttalǵan», dedi Indıra Áýbákirova.
EUÝ akademııalyq qaýymdastyǵy jańa Konstıtýsııa jobasyn qoldady
Dóńgelek ústel qorytyndysy boıynsha qatysýshylar jańa Konstıtýsııa jobasyna qoldaý bildirip, dıalog alańynyń jumysyn jalǵastyrýdy usyndy. Jıyn Qazaqstannyń memlekettilik damýy men quqyqtyq reformalardy qoldaý jolyndaǵy mańyzdy qadam boldy.
Parlamentarızm ınstıtýty jańa Konstıtýsııa jobasyn qoldady