О́tken jyly Sátbaev qalasynda qoqys shyǵarý boıynsha biraz másele týyndaǵan. Bıyl 1 qańtardan bastap qoqys jınaýmen aınalysqan «Sát-Tazalyq» kompanııasymen kelisimshart toqtatyldy. Jańa merdiger – «Ulytaý eko servıs» anyqtaldy. Kompanııa birden jumysqa kirisip, kúsheıtilgen rejımde qyzmet kórsetýge kiristi, dep jazady Egemen.kz.
Qala tazalyǵy tek qoqys shyǵarýymen shektelmeıdi. Kósheler men joldardy tazalaý jumystary da úzdiksiz júrip jatyr. Demalys kúnderine qaramastan, kommýnaldyq qyzmetter tynymsyz eńbek etedi. Bul baǵytta 8 arnaıy tehnıka men 20 maman jumyldyrylǵan.
Barlyq jumys turaqty baqylaýda tur.
Qala aýmaǵyndaǵy qar tazalaý jumystaryn qalalyq ákimshilik qadaǵalap otyr.
Qazirgi ýaqytta qar tazalaý jumystaryna 38 jumysshy men 11 arnaıy tehnıka jumyldyrylǵan. Joldardy tazalaý jáne kóktaıǵaqtyń aldyn alý maqsatynda ınertti materıaldar sebý jumystary bekitilgen josparǵa sáıkes júrgizilip jatyr.
Ulytaý oblysynda jańa sport kesheni paıdalanýǵa berildi
Sonymen qatar, keıbir jol ýchaskelerinde qardyń ýaqytyly jáne tolyq tazalanbaýynan tómpeshikterdiń paıda bolǵany anyqtalǵan. Bul júrgizýshiler úshin aıtarlyqtaı qolaısyzdyq týǵyzady. Qazirgi aýa raıynyń qubylmaly bolýyn eskere otyryp, atalǵan kemshilikterdi jedel túrde joıý tapsyryldy.
«Kóktaıǵaqtyń aldyn alý úshin qorda 50 tonna qum jáne 10 tonna tehnıkalyq tuz bar. Merdiger uıymdarǵa tazalaý sapasyn kúsheıtý, problemalyq ýchaskelerge basymdyq berý jáne jol qozǵalysy qaýipsizdigin qamtamasyz etý jóninde naqty tapsyrmalar berildi», deıdi Sátbaev qalasynyń ákimi Murat Bóribaev.
Ulytaý oblysynda ústel tennısinen respýblıkalyq chempıonat bastaldy