Qazaqstan azamaty Garrı Azarıan 2025 jyly «memlekettik qurylymdy ózgertýge jáne jappaı zorlyq-zombylyqqa shaqyrdy» degen kúdikpen ustalǵan bolatyn. Oǵan bul aıyp solshyl-radıkaldy «Rabochaıa vlast» qozǵalysynyń jıynynda sóılegen sózi úshin taǵylǵan, dep habarlaıdy Egemen.kz.
Peterbýrgtik Telegram-arnalardyń habarlaýynsha, qozǵalys ókilderi bul isti «qoldan jasalǵan» dep baǵalaǵan. Soǵan qaramastan, Sankt-Peterbýrg sotynda is erekshe tártippen qaralyp, prosesi aıaqtaldy. Prokýratýra aıyptalýshyny úsh jyl kolonııaǵa jiberýdi suraǵan. Aıta keteıik, atalǵan bap boıynsha aıyppul salý jazasy da qarastyrylǵan. Alaıda, SPbGÝ-dyń burynǵy stýdenti úkim shyqqanǵa deıin 8 aı boıy tergeý ızolıatorynda bolǵan.
Tergeý nusqasyna boıynsha, Azarıan qozǵalys sezinde sóılegen sózinde zorlyq-zombylyqqa shaqyryp, terrorızmdi aqtaǵan. Sot barysynda sózdiń tolyq mátini jarııalanbady. Belgili bolǵandaı, ol baıandamasynda «kapıtalızmniń kinási», «qanaýshylar» jáne «býrjýazııalyq reformatorlar» týraly aıtqan.
Semeıde terrorızmdi nasıhattaǵan azamat 7 jylǵa sottaldy
Aıyptaýshy tarap bul sózderdiń mobılızasııa kezeńinde aıtylýyn jaǵdaıdy aýyrlatatyn faktor retinde kórsetken. Al qorǵaýshy tarap sottalýshynyń kinásin tolyq moıyndap, tergeýmen yntymaqtastyqta bolǵanyn alǵa tartqan.
Stýdent óziniń sońǵy sózinde qoǵamǵa qaıta oralyp, paıdaly azamat bolǵysy keletinin málimdegen. Sot sheshimimen Garrı Azarıan eki jylǵa kolonııaǵa jiberildi.