Qasym-Jomart Toqaev Tambler-Rıdj qalasyndaǵy orta mektepte bolǵan atys saldarynan jazyqsyz adamdardyń qaza tabýyna baılanysty Kanada Premer-mınıstri Mark Karnıge kóńil aıtty, dep habarlaıdy Egemen.kz Aqordanyń baspasóz qyzmetine silteme jasap.
«Qazaqstan Prezıdenti Kanada halqynyń qaıǵysyna ortaq ekenin jetkizip, qaıtys bolǵan azamattardyń otbasylaryn sabyrǵa shaqyrdy, sondaı-aq zardap shekken adamdardyń tezirek saýyǵyp ketýlerine tilektestigin bildirdi», delingen habarlamada.
Aıta keteıik, buǵan deıin Prezıdent Qasym-Jomart Toqaev Japonııanyń soltústik óńirinde jaýǵan qalyń qar saldarynan kóptegen adamnyń qaza tabýyna baılanysty Premer-mınıstr Sanae Takaıchıge kóńil aıtý jedelhatyn joldaǵan edi.