Almatyda «Baýyrjan Momyshuly» metro beketi men salynyp jatqan «Qalqaman» beketi arasyndaǵy uzyndyǵy 1593 metrdi quraıtyn oń baǵyttaǵy tonneldiń qazý jumystary tolyq aıaqtaldy, dep habarlaıdy Egemen.kz.
Qalalyq Jol-kólik ınfraqurylymyn damytý basqarmasynyń habarlaýynsha, qazir tonnelde temirjol tutas tabandy tehnologııa boıynsha tóselip jatyr. Al sol jaq baǵyttaǵy tonnelde relster men baılanys relsi ornatylyp, barlyq ınjenerlik jelilerdi montajdaý jumystary tolyq támamdalǵan.
Almaty metrosy 2040 jyly qaı aýmaqtardy qamtıdy?
Sonymen qatar «Qalqaman» beketiniń ǵımaraty tolyq salynyp bitti. Qazirgi tańda ishki árleý jumystary júrgizilip jatyr. Poıyz qozǵalysyn avtomattandyrylǵan basqarý júıesin qosa alǵanda, álemdik jetekshi óndirýshilerdiń qajetti jabdyqtary jetkizilgen. Jýyrda olardy ornatý jáne iske qosý kezeńi bastalady.
Bas merdiger uıymnyń ókili Murat Úkshebaevtyń aıtýynsha, nysan qurylysy qala basshylyǵynyń tapsyrmasyna sáıkes táýlik boıy júrgizilip jatyr. Normatıvtik merzimi 24 aı bolǵanymen, bekettiń negizgi qurylysy shamamen 11 aıda aıaqtalǵan.
Almatyda úlken aınalma metro jelisi men LRT iske qosylýy múmkin
Jospar boıynsha qurylys-montaj jumystary bıylǵy jyldyń birinshi jartyjyldyǵynyń sońyna deıin tolyq aıaqtalady.