Qoǵamdyq densaýlyq saqtaý ulttyq ortalyǵy naqty ýaqyt rejıminde el ishindegi jáne sheteldegi, onyń ishinde el azamattary jıi baratyn memleketterdegi epıdemıologııalyq ahýaldy baqylaýǵa múmkindik beretin onlaın-kartany iske qosty, dep habarlaıdy Egemen.kz.
2025 jyly Qoǵamdyq densaýlyq saqtaý ulttyq ortalyǵy sanıtarııalyq-epıdemıologııalyq qaýipsizdikti qamtamasyz etý jáne ınfeksııalyq emes aýrýlar men olardyń qaýip faktorlarynyń aldyn alý baǵytyndaǵy keshendi jumystar jasady.
Qaýipti Nıpah vırýsy jáne qyzylsha: Qazaqstan shekarada baqylaýdy kúsheıtti
Ortalyq qyzmeti derekterdi jan-jaqty taldaýǵa, táýekelderdi turaqty baqylaýǵa jáne memlekettik organdar úshin basqarýshylyq sheshimder ázirleýge negizdeldi.
«Mekeme qurylymynda alty negizgi zerthana jumys isteıdi. Olar: vırýsologııa, bakterıologııa, parazıtologııa, asa qaýipti ınfeksııalar, hımııalyq-toksıkologııalyq zertteýler, sondaı-aq radıasııalyq qaýipsizdik jáne genomdyq sekvenırleý baǵyttary. 2025 jyly ortalyq mamandary 1 500-den astam zertteý men sekvenırleý júrgizdi. Aınalymdaǵy shtamdarǵa jáne álemdegi epıdemıologııalyq ahýalǵa turaqty monıtorıng jasaldy. Táýlik boıy júrgiziletin taldamalyq baqylaý ortalyq qyzmetiniń mańyzdy bóligi bolyp qala beredi», delingen Densaýlyq saqtaý mınıstrligi taratqan habarlamada.
Jyl ishinde COVID-19, kókjótel, qyzylsha, jedel respıratorlyq vırýstyq ınfeksııalar, tumaý jáne pnevmonııa boıynsha, sondaı-aq halyqaralyq epıdemıologııalyq jaǵdaıǵa qatysty 1 600-den astam taldamalyq jáne aqparattyq materıal ázirlengen. Olarda damý boljamdary men yqtımal ssenarııler qamtylǵan.
Aıda Balaeva qyzylshaǵa qatysty epıdemıologııalyq ahýaldy erekshe baqylaýǵa alýdy tapsyrdy