Búgin Túrkistan oblysy «Ádiletti jáne Progressıvti Qazaqstannyń Halyqtyq Konstıtýsııasy úshin!» óńirlik koalısııasy quryldy. Bul konstıtýsııalyq reformalardy qoldaý jáne halyqqa keńinen túsindirý baǵytyndaǵy júıeli jumystyń mańyzdy kezeńi, dep habarlaıdy Egemen.kz.
О́ńirlik koalısııa quramyna 5 saıası partııanyń oblystyq fılıaldary, bedeldi qoǵam qaıratkerleri, tájirıbeli zańgerler, máslıhat depýtattary, ǵylymı jáne shyǵarmashylyq zııaly qaýym ókilderi, sarapshylar endi. Quramǵa engen 457 adam barlyq aýdan qalalarda, halyqtyń barlyq sanatymen 1959 kezdesýler ótkizip, konstıtýsııalyq reformalar aıasyndaǵy jańa quqyqtyq normalardy túsindiredi»
Oblysta 1 mıllıon 195 myńnan astam saılaýshy tirkelgen. Aldaǵy referendýmdy qoldaý jáne úılestirý maqsatynda partııa fılıaldary janynan 18 óńirlik koalısııa qurylǵan. Quramyna «AMANAT», «Aýyl», «Aq jol», «Qazaqstan Halyqtyq partııasy» jáne «Respublica» partııalarynyń ókilderi endi.
Almatyda Halyqtyq Konstıtýsııany qoldaıtyn qalalyq koalısııanyń alǵashqy otyrysy ótedi
Jıyndy ashqan «AMANAT» partııasy Túrkistan oblystyq fılıalynyń tóraǵasy, oblystyq máslıhattaǵy partııalyq fraksııa jetekshisi, óńirlik koalısııa tóraǵasynyń orynbasary Altynsary Úmbetálıev Jalpyulttyq koalısııanyń qurylýy qoǵamdy ortaq maqsat jolynda toptastyrýdyń aıqyn kórinisi ekenin jetkizdi.
«Jańa Konstıtýsııa eldiń turaqty damýyna serpin beretin strategııalyq qujat. Onda azamattardyń quqyqtaryn qorǵaý, ádildik qaǵıdattaryn ornyqtyrý jáne memlekettik basqarý júıesin jetildirý kózdelgen. Bizdiń mindet – osy ózgeristerdiń mánin halyqqa naqty ári túsinikti jetkizý», dedi Altynsary Dúısenbekuly.
Odan soń, «AMANAT» partııasy Túrkistan oblystyq fılıaly atqarýshy hatshysynyń orynbasary, óńirlik koalısııa tóraǵasynyń orynbasary Qalyıma Jantóreeva: «Elordada elimizdiń jetekshi qoǵamdyq-saıası kúshteri Jalpyulttyq koalısııa aıasynda birikkeni – qoǵamnyń jańa Konstıtýsııaǵa degen jaýapkershiligin kórsetedi. Bul qujat tek quqyqtyq reforma ǵana emes, ol memleket damýynyń jańa sapalyq kezeńine ótýge baǵyttalǵan. Zań ústemdigi, ádildik jáne azamattardyń quqyqtaryn qorǵaý onyń negizgi tirekteri», dep atap ótti.
Túrkistan oblystyq máslıhatynyń tóraǵasy, óńirlik koalısııa tóraǵasynyń orynbasary, Konstıtýsııalyq reforma jónindegi keńes múshesi Nuraly Ábish jańa Konstıtýsııa jobasynyń usynylýy eldiń saıası jáne quqyqtyq damýynyń jańa kezeńin aıqyndap bergenin, bul tarıhı sheshim ekenin jetkizdi.
«Reformalardyń mazmunyn halyqqa jan-jaqty túsindirý aldaǵy ýaqytta negizgi jumys bolǵaly tur. Ár azamat onyń mańyzyn tereń uǵynýy tıis», dep atap ótti ol.
Odan soń, shtab músheleri «Qazaqstan Halyqtyq partııasy» Túrkistan oblystyq fılıaly tóraǵasynyń orynbasary Iskak Ahmetov, Halyqaralyq týrızm jáne meımandostyq ýnıversıtetiniń professory Sábıt Baımahanbetov bul reformalar uzaq jyldar boıy pisip-jetilgen qoǵamdyq suranystyń nátıjesi, básekege qabiletti, zamanaýı memleket qurýdyń negizi ekenine toqtaldy.
Konstıtýsııa – kemel keleshek kepili
О́ńirlik koalısııanyń qurylýy konstıtýsııalyq reformalardy keńinen nasıhattaý men túsindirýdiń tıimdi tetigi. Aldaǵy kezeńde koalısııa músheleri halyqpen ashyq dıalog júrgizip, jańa quqyqtyq normalardyń máni men mazmunyn júıeli túrde túsindirý jumystaryn jalǵastyrady.
Erlan Qarın Ata zańnyń basty ereksheligin atady