Jambyl oblystyq polısııa departamentine qarasty kóshi-qon qyzmetkerleri 40 jyl qujatsyz júrgen azamattyń qujatyn rásimdeýge kómektesti, dep habarlaıdy Egemen.kz.
Oblystyq polısııa departamentiniń baspasóz qyzmeti taratqan derekke júginsek, kóshi-qon salasy qyzmetkerlerine júgingen Fatıma Akopıan 1993 jyldan beri Qazaqstanda turady. Qazaqstan azamatyna turmysqa shyqqan ol 7 balany dúnıege ákelgen. Áıtse de ol 33 jyl boıy azamattyq ala almaǵan.
Polısııaǵa júgingennen keıin qyzmetkerler onyń quqyqtyq mártebesin tekserip, Qyrǵyzstannan jeke basyna qajetti qujattardy suratyp, jınap, rásimdeýge járdemdesti.
Qazaqstan azamattyǵyn alýǵa arnalǵan testileý aqpanda bastalady
Sol sııaqty dál osyndaı máselemen Gýlnazıra Gaınetdınova da júgingen. 1986 jyly Reseıden Qazaqstanǵa kóship kelgen azamatsha 40 jyl boıy azamattyq alý barysynda kóp qıyndyqtarǵa tap bolǵan. Polısııa qyzmetkerleri Reseı memleketine suraý salyp, azamattyǵy bar-joǵyn rastaı otyryp, zań aıasynda jedel túrde qujattaryn rásimdep berdi.
«Ár azamattyń qujat máselesi zań turǵysynda qaralady. Biz árdaıym tıisti kómek kórsetýge tyrysamyz», deıdi Taraz qalasy PB kóshi-qon qyzmeti bóliminiń aǵa ınspektory Sholpan Ashırbaeva.
Atqarylǵan jumys nátıjesinde eki azamat ta jeke kýálikterin rásimdep, barlyq qujattaryn qoldaryna aldy.
Aqmola oblysynda 63 adam jeke qujatsyz júrgen