QYZYLORDA. 13 tamyz. Qyzylordalyq polıseıler jedel-profılaktıkalyq reıd jumystary barysynda Shıeli aýdany №15 beketten ońtústikke qaraı 5 shaqyrym jerde esirtki zatyna uqsas ósimdik ósip turǵan alqapty anyqtady. Bul týraly egemen.kz tilshisi habarlady.
Shıeli aýdandyq ishki ister bóliminiń polısııa qyzmetkerleri jedel-izdestirý jumystaryn júrgizý barysynda jolsyz qumdardyń arasynda esirtki zatyna uqsas ósimdik egip jatqan belgisiz azamatty baıqap qalady. Jedel-tergeý toby shaqyrylyp, shuǵyl túrde Qyzylorda qalasynyń 1978 jyly týǵan azamaty quryqtaldy. Tekserý barysynda 3364 túp jasyl tústi erekshe ıisi bar ósimdik jáne egý barysynda qoldanylǵan qural-saımandary aıǵaq zat retinde alyndy. Anyqtalǵan 3364 túp sora ósimdiginiń 3306 túbi órteý jolymen joıylsa, 58 túbi sot-saraptamalyq tekseriske joldandy. Psıhotroptyq zattar men prekýrsorlardy zertteý sot-saraptamasy qorytyndysy boıynsha anyqtalǵan ósimdik sora ósimdigine jatatyndyǵy belgili boldy.
Qazirgi tańda Qylmystyq kodeksiniń 300-baby, 1-bóligi boıynsha qylmystyq is qozǵalyp, sezikti azamat aýdandyq ishki ister bóliminiń ýaqytsha ustaý abaqtysyna qamaqqa alyndy.
Erjan Baıtiles.
Derek: egemen.kz.
Sýret: elarna.com.