QARAǴANDY. 13 tamyz. Qaraǵandyda tapanshamen qarýlanǵan er adam janar-jaǵar maı stansasyna qaraqshylyq shabýyl jasaǵan. Bul týraly oblystyq ishki ister depatamentiniń baspasóz qyzmeti habarlady.
Qaraqshylyq shabýyl týraly polısııa bólimine janar-jaǵar maı beketiniń satýshysy habarlaǵan. Onyń aıtýy boıynsha, 25-30 jas shamasyndaǵy belgisiz bireý tapanshamen qorqytyp, qolyna túsken múlikti alyp, «VAZ-2005» avtokóligimen oqıǵa bolǵan jerden izin sýytqan.
Kóp uzamaı polısııa qyzmetkerleri kúdiktini qolǵa túsirdi. Onyń avtokóliginiń ishinen «OSA» jaraqattandyrǵysh tapanshasy úsh oǵymen jáne qoldy bolǵan zattar tabyldy.
О́ziniń aıybyn moıyndaǵan kúdikti qazirgi ýaqytta ýaqytsha ustaý ızolıatorynda otyr. Qylmystyq kodeksiniń 192-babynyń 1-tarmaǵy boıynsha («Tonaý») sotqa deıingi tergeý amaldary júrgizilip jatyr.
Qaırat Ábildınov.
Derek: Qaraǵandy oblystyq ishki ister depatamentiniń baspasóz qyzmeti.
Sýret: tengrinews.kz.