«Qazgıdromet» 19 aqpan kúni birqatar óńirde daýyl bolatynyn eskertedi. Al Astanada aýa temperatýrasy túnde jáne kúndiz kúrt tómendep, 11-13 gradýs aıaz bolady, dep habarlaıdy Egemen.kz.
Aqmola oblysynda túnde jáne kúndiz aýa temperatýrasy 10-15 gradýsqa deıin tómendeıdi, oblystyń batysy men soltústiginde 20 gradýs aıaz kútiledi.
Aqtóbe oblysynda túnde aıaz 12-17 gradýsqa deıin jetedi, al oblystyń ońtústiginde 7 gradýsqa deıin kún sýytady.
Qostanaı oblysynda túnde 15-20 gradýs aıaz, soltústik-shyǵysynda 23 gradýs aıaz, kúndiz 12-17 gradýs aıaz, al soltústik-shyǵysynda 20 gradýs aıaz kútiledi.
Soltústik Qazaqstan oblysynda túnde jáne kúndiz 15-20 gradýs aıaz, oblystyń soltústiginde 23 gradýs aıaz bolady.
Pavlodar oblysynda túnde jáne kúndiz 8-13 gradýs aıaz, batysy men soltústiginde 16 gradýs aıaz kútiledi.
Batys Qazaqstan oblysynyń ońtústigi men batysynda kúndiz qar aralas jaýyn-shashyn, burqasyn, tuman jáne kóktaıǵaq bolady. Shyǵystan soqqan jeldiń ekpini 15-20 m/s-qa jetedi.
Jetisý oblysynyń soltústiginde, ońtústiginde jáne taýly aýdandarynda túnde jáne tańerteń tuman túsedi. Ońtústik-shyǵystan soqqan jeldiń ekpini 15-20 m/s deıin jetedi.
Ulytaý oblysynda jaýyn-shashyn, soltústigi men shyǵysynda keı ýaqytta qatty jaýyn-shashyn (jańbyr, qar), burqasyn, tuman jáne kóktaıǵaq bolady. Jeldiń ekpini 15-20 m/s deıin jetedi.
Jambyl oblysynda aýa temperatýrasy túnde jáne kúndiz 3-8 gradýs shamasynda jylıdy. Oblystyń soltústigi men taýly aýdandarynda 2 gradýs aıaz kútiledi.
Qaraǵandy oblysynyń soltústiginde túnde qar aralas jańbyr jaýyp, burqasyn soǵady. Al kúndiz qar jáne boran kútiledi. Oblystyń ońtústiginde jaýyn-shashyn (jańbyr, qar), soltústigi men shyǵysynda qalyń qar kútiledi. Keı jerlerde tuman túsip, kóktaıǵaq bolady. Jeldiń ekpini 15-20 m/s deıin jetedi.
Mańǵystaý oblysynyń batysynda, soltústiginde jáne ortalyǵynda tuman kútiledi. Jel ekpini 15-20 m/s, keı ýaqytta 25 m/s-qa deıin jetedi.
Túrkistan oblysynyń soltústiginde túnde jaýyn-shashyn (jańbyr, qar) kútiledi. Batys, soltústik, ońtústik jáne taýly aýdandarynda tuman túsedi. Taýly asýlarda jeldiń ekpini 23-28 m/s-qa deıin jetedi.
Atyraý oblysynyń batysy, ońtústigi jáne shyǵysynda tuman túsip, kóktaıǵaq kútiledi. Jeldiń ekpini 15-20 m/s deıin jetýi yqtımal.
Shyǵys Qazaqstan oblysynyń soltústiginde túnde jáne kúndiz qar aralas jańbyr, boran, kóktaıǵaq jáne keı ýaqytta qatty jaýyn-shashyn kútiledi. Jeldiń ekpini 15-20 m/s deıin jetedi.
Abaı oblysynyń batysynda, soltústiginde jáne ortalyǵynda qar aralas jańbyr jaýyp, boran, kóktaıǵaq bolady. Jel ekpini 15-20 m/s, keıde 23 m/s deıin jetýi múmkin.
Almaty oblysynyń ońtústigi men ortalyǵynda jeldiń ekpini 15-20 m/s deıin jetedi.
Qyzylorda oblysynyń soltústiginde túnde jáne tańerteń kóktaıǵaq bolady. Oblystyń ortalyǵy, soltústigi jáne ońtústiginde tuman kútiledi. Jeldiń ekpini 15-20 m/s deıin jetedi.
Aýa raıynyń qolaısyzdyǵyna baılanysty eldiń birneshe joly jabyldy