Sý resýrstary jáne ırrıgasııa mınıstri Nurjan Nurjigitovtiń tapsyrmasyna sáıkes «Qazsýshar» fılıaldary men óndiristik bólimshelerinde, sondaı-aq barlyq basseındik sý ınspeksııalarda jańa Konstıtýsııa jobasyn talqylaýǵa arnalǵan is-sharalar ótkizilip jatyr, dep jazady Egemen.kz.
Keńeske qatysýshylar elimizdiń basty zań jobasyndaǵy negizgi jańashyldyqtardy qarastyryp, sý sharýashylyǵyna jáne sala qyzmetkerleriniń eńbek jaǵdaıyna qatysty normalardy talqylap jatyr. Konstıtýsııalyq ózgeristerdiń quqyqtyq mańyzy men qujatta kózdelgen qaǵıdattardy iske asyrý máseleleri túsindirilgen. Ashyq pikir almasý júrgizilip, mamandardyń barlyq suraǵyna naqty jaýaptar usynylǵan.
Mańǵystaýda «Qazaqstan temir joly» ujymy referendýmǵa qatysýdy qoldady
«Injener-gıdrotehnık retinde jańa Konstıtýsııa jobasynda bizdiń salaǵa qatysty kóptegen normany kórip otyrmyn. Mysaly, sý qaýipsizdigi basymdyq retinde bekitilgen, ınnovasııalarǵa, ǵylym men sıfrlandyrýǵa basa mán berilgen. Biz, jas mamandar, bul ózgeristerge belsendi qatysýǵa daıynbyz», dedi «Qazsýshar» RMK Shyǵys Qazaqstan fılıalynyń ınjener-gıdrotehnıgi Dıdar Ahmetjanov.
Sala mamandary jańa Konstıtýsııa jobasynda ekologııalyq aspektilerge de nazar aýdarylǵanyn atap ótti.
«Rodına» JShS ujymy respýblıkalyq referendým ótkizýdi qoldady
«Jańa Konstıtýsııa jobasynda turaqty damý turǵysynan qarastyrylǵan ekologııalyq aspektiler qamtylǵan. Bul jerde «Taza Qazaqstan» tujyrymdamasynyń logıkalyq jalǵasy aıqyn kórinedi. Árbir otandasymyz óziniń azamattyq ustanymyn bildirip, Ata zań jobasy boıynsha pikirin aıtý úshin referendýmǵa qatysýy tıis dep esepteımin», dedi «Qazsýshar» RMK Q.Sátpaev atyndaǵy kanal fılıalynyń jetekshi ınjener-gıdrotehnıgi Svetlana Jarkova.
ERG qyzmetkerleri jańa Konstıtýsııa boıynsha referendým ótkizýdi qoldady