Ánshi Farıda Joldasova jańa Ata zań jobasyna qoldaý bildirip, onyń qoǵam arasynda belsendi talqylanýy halqymyzdyń saıası mádenıetiniń artyp kele jatqanyn ańǵartatynyn aıtty, dep jazady Egemen.kz.
Ol Ata zańnyń jańarýyn – Táýelsizdigimizdi nyǵaıtyp, elimizdi damytýǵa baǵyttalǵan mańyzdy qadamǵa balaıtynyn jetkizdi.
«Jańa Konstıtýsııa jobasynyń búkilhalyqtyq talqylaýǵa túsýi eldegi saıası mádenıettiń ósip, ashyqtyq pen zań ústemdiginiń ornyqqanyn kórsetedi. Ata zańnyń jańarýy – Táýelsizdikti nyǵaıtyp, memleket damýynyń jańa kezeńine qadam basqanymyzdyń aıǵaǵy. Jańa Ata zańymyz Qoldanystaǵy baptardyń basym bóligine túzetý engizý qajettiligi jańa redaksııa qabyldaýdy zańdy etti. Sonyń nátıjesinde Konstıtýsııanyń mazmuny jańaryp, el bolashaǵyna berik quqyqtyq negiz qalanyp jatyr. Qazirgi kúrdeli kezeńde ishki turaqtylyqty saqtap, júıeli reformalardy júzege asyrý – memlekettiń basty jetistigi», dedi Farıda Joldasova.
Buǵan deıin sport jáne mádenıet ókilderi Ǵusman Qyrǵyzbaev, Abıba Ábýjaqynova, Erkebulan Daıyrov, Beıbit Sarybaı elimizde bolyp jatqan saıası ózgeristerge qatysty pikirin bildirgen edi.