ASTANA. 13 tamyz. Búgin fýtboldan Qazaqstan premer-lıgasynyń ekinshi aınalymy bastaldy. 23-týr sheńberindegi alǵashqy oıynda «Aqtóbe» men «Astana» kezdesti. Aqtóbede bolǵan matchta elordalyqtar 1:0 esebimen jeńiske jetti. Bul týraly egemen.kz habarlady.
Birinshi taım teń jaǵdaıda órbidi. Qarsylastar negizinen qarymta shabýylǵa ıek artty. Al ekinshi taım ótkir shabýyldarmen este qaldy. Alaıda, oıyn barysynda jankúıerler tek bir ǵana goldyń kýási boldy. 81-mınýtta «Astana» oıynshysy Roher Kanıas mergendigimen kózge túsip, komandasyna jeńis syılady.
Osy jeńisten keıin Stanımır Stoılovtyń shákirtteri týrnır kestesinde 25 upaımen jeke dara kósh bastady. 23-týrdyń qalǵan oıyndary 14, 15 jáne 16 tamyz kúnderi oınalady.
14 tamyz
«Ordabasy» (Shymkent) – «Qaırat» (Almaty)
15 tamyz
«Ertis» (Pavlodar) – «Atyraý» (Atyraý)
«Shahter» (Qaraǵandy) – «Oqjetpes» (Kókshetaý)
«Qaısar» (Qyzylorda) – «Taraz» (Taraz)
16 tamyz
«Tobyl» (Qostanaı) – «Jetisý» (Taldyqorǵan).
Elaman Qońyr.
Derek: egemen.kz.
Sýret: vk.com.