KО́KShETAÝ. 13 mamyr. Aqmola oblysynda densaýlyq saqtaý salasynda qyzmet atqaratyn eki memlekettik qyzmetker para aldy degen kúdikpen qolǵa tústi. Bul týraly qalalyq prokýratýranyń deregine súıengen egemen.kz tilshisi habarlady.
Kókshetaý qalalyq prokýratýrasynyń bólim bastyǵy Álııa Súleımenovanyń aıtýyna qaraǵanda, olar tenderde utysqa jetkizý úshin oblys ortalyǵyndaǵy bir seriktestikten 600 myń teńge aqsha talap etken. Al mundaı somadaǵy qarjyǵa shóptiń basyn syndyrmaı-aq bir sátte qaryq bolyp qalǵysy kelgender oblystyq densaýlyq saqtaý basqarmasy bastyǵynyń orynbasary men memlekettik satyp alý bóliminiń basshysy bolyp shyqty.
«Atalǵan laýazymdy tulǵalar parany memlekettik satyp alýda tenderdi jeńip alý úshin kómektesemiz dep alǵan. Onyń kólemin kelisimshartta kórsetilgen somanyń 10 paıyzy dep kelisipti. Kúdiktiler bul áreketterin aldyn ala oılastyryp, josparlap jasaǵan. Eki jaq bir-birimen telefon arqyly habarlasyp otyrǵan. Qazirgi tańda atalǵan derek boıynsha qylmystyq is qozǵaldy», - dedi prokýratýra ókili.
Baqbergen Amalbek.
Derek, sýret: egemen.kz.