AQTAÝ. 12 mamyr. Mańǵystaý oblysynda ashyq teńizge shyǵyp ketken eki balyqshy qutqaryldy. Bul týraly lada.kz habarlady.
Oqıǵa Túpqaraǵan aýdanynda 7 mamyr kúni keshte bolǵan. Rezeńke qaıyqpen balyq aýlaýǵa shyqqan eki balyqshy ashyq teńizge shyǵyp ketedi. Bul týraly tıisti oryndarǵa jaǵada qalǵan úshinshi balyqshy habarlaıdy.
«Dereý uıymdastyrylǵan izdeý-qutqarý jumystary nátıjesinde joǵalǵan qaıyq 9 mamyr kúni tańerteń Taýshyq aýylynyń mańyndaǵy Sartas jerinen tabyldy. Qaıyqtaǵy eki balyqshy da din aman», – deıdi Mańǵystaý oblysy boıynsha tótenshe jaǵdaılar departamentiniń baspasóz hatshysy Gúlnara Qojabekova.
Gúlaıym Shyntemirqyzy.
Derek, sýret: lada.kz.