Shynaıy sezimniń sheberi, barlyq shyǵarmasynyń derlik baǵy janǵan, álemdegi eń áıgili kompozıtorlardyń biri Djakomo Pýchchınıdiń 100 jyldyǵyna oraı, Abaı atyndaǵy Qazaq ulttyq opera jáne balet teatry opera, zamanaýı bı, teatr men sırk ónerin bir sahnada toǵystyrǵan «Puccini Dance Circus Opera» spektaklin usyndy.
Halyqaralyq qoıylym uly kompozıtordyń «Manon Lesko», «Bogemalyqtar», «Toska», «Chıo-Chıo-san» («Madam Batterflıaı»), «Týrandot» operalaryna zamanaýı sıpat, jańa kózqaras syılap qana qoımaı, Italııa men Qazaqstan arasyndaǵy mádenı yntymaqtastyqtyń jarqyn úlgisin kórsetti.
Aıtqandaı, D.Pýchchını shyǵarmalarynyń kópshiligi keıipkerleriniń esimimen atalatynyn, al mahabbat men baılyqtyń, adamgershilik pen aqshanyń arasynda alasurǵan «Manon Lesko» onyń sahnadaǵy alǵashqy úlken tabysy ekenin de eske sala keteıik.
Álemde eń kóp qoıylǵan «Bogemalyqtar» operasy Parıjdegi sińiri shyqqan sýretshilerdiń ómirin áserli sıpattasa, D.Pýchchını osy shyǵarmany jazǵanda ári jas, ári kedeı bolatyn. Shyǵarmanyń shynaıylyǵyna munyń da yqpaly bolǵany daýsyz. Biraq olardyń jastyq shaqtaǵy baılyǵy – erkindigi emes pe edi?
Mysaly, Florııa Toskanyń («Toska») bir kúnniń ishinde Rımde basynan ótken mahabbat, qyzǵanysh, satqyndyq týraly shıelenisti, qarqyndy saıası dramasy da opera tarıhyndaǵy eń tanymal «Vissi d’arte» arııasymen daralanbaq.
О́nerden habardar qaýymǵa oqıǵasy Japonııada órbıtin óndirdeı jas geıshanyń qaıǵyly mahabbat tarıhy týraly «Madam Batterflıaı» men ózi aıaqtaı almaı ómirden ozǵanda, shákirti núktesin qoıǵan Qytaı hanshaıymy týraly sońǵy operasy «Týrandottyń» mazmunyn baıandap otyrýdyń ózi artyq.
Tyńdarmanyn tolqytyp, kórermenin kúldire de tebirente alatyn talantty kompozıtordyń mýzykalary máńgilik adamzattyq taqyryptardyń aınalasynda órbıtindikten, shyǵarmalary da ǵumyrly bolyp qala bermek. Orkestrdi súıemeldeý úshin ǵana emes, myń qubylǵan sezim quraly retinde de sheber úılestire bilgen Pýchchınıdiń basty artyqshylyǵy da sonda, operany saltanatty óner tilinde tiri emosııaǵa toly shynaıy drama deńgeıine kótere bilgenimen daralanbaq.
Sonymen qazaq sahnasyndaǵy qoıylymnyń dramatýrgııalyq dińgegi qozǵalys pen qımyl arqyly ashylatyn «áıelder hory» desek te bolady. Sahnalyq áreket jandy da elektrondyq mýzykanyń, áýedegi ári jerdegi horeografııanyń úılesimi arqyly júzege asady.
«Puccini Dance Circus Opera» spektakli – Toskana qalasyndaǵy ıtalııalyq «blucinQue» kompanııasy men ORT orkestrleriniń birlesken týyndysy. Almaty qalasyndaǵy kórsetilimderge sheteldik jáne otandyq ártister, orkestr jáne vokaldyq solıster qatysty. Italııa men Qazaqstannyń ónerdegi kópiri ispetti Almatydaǵy kórsetilimder Abaı atyndaǵy Qazaq ulttyq opera jáne balet teatrynyń sahnasyndaǵy halyqaralyq deńgeıdegi sırek sátterdiń birine aınaldy.
Spektakldiń prodıýseri Paolo Stratta bul jobany sahnalaý asa mańyzdy ári kóp qatparly úderis bolǵanyn aıtady. Halyqaralyq joba 2024 jyly kompozıtordyń 100 jyldyǵyna oraı qolǵa alynǵan. Prodıýser Paolo Stratta spektakldi qoıý barysynda túpnusqa mátin men onyń túpki aıtpaǵy, ishki mazmuny ózara dıalogke túsip, 39 túrli mýzykalyq aspaptan turatyn erekshe quramdaǵy orkestr jasaqtaý jumysy kóp ýaqyt alǵanyn tilge tıek etti.
Italııanyń Qazaqstandaǵy elshiliginiń mádenıet jónindegi attashesi Edoardo Krızafýllı ónerdegi otandastarynyń Qazaqstanǵa shyǵarmanyń shyn mánindegi túpnusqasyn, aqıqatynda jańa da aıryqsha qoıylymdy ákelýge áreket jasap, bári de sátimen júzege asqanyn málimdedi.
Elshilik ókilderi Italııa men Qazaqstan hattamada ǵana emes, óner áleminde toǵysyp, mýzyka arqyly tildeskenine rııasyz alǵysyn bildirdi.
ALMATY