Konstıtýsııa jobasynyń negizgi erejelerinen habardar etti

Máýlen Áshimbaev óz sózinde konstıtýsııalyq reforma Memleket basshysynyń bastamasymen júzege asyrylyp jatqan aýqymdy ózgeristerdiń dáıekti jalǵasy ekenin aıtyp, osy baǵyttaǵy mańyzdy mindetterge toqtaldy. Ol bul irgeli jańǵyrtý ádilettilik, zań ústemdigi jáne bıliktiń qoǵam aldyndaǵy jaýapkershiligi sııaqty qaǵıdattarǵa negizdelgenin atap ótti.

«Prezıdent Qasym-Jomart Toqaevtyń Jarlyǵymen 15 naýryz­da jańa Konstıtýsııaǵa baılanys­ty respýb­lıkalyq referendým ótedi. Konstı­týsııalyq reformanyń máni kúshti Par­lamenti bar prezıdenttik respýblıkaǵa kóshý, azamattardyń qu­qyqtaryn qamtamasyz etý júıesin ny­ǵaıtý jáne saıası júıeni demokratııa­landyrý ekenin atap ótken jón. Jańa Ata Zań – Ádiletti Qazaqstan ıdeıasyn iske asyrýǵa, tıimdi memlekettik júıe qurý­ǵa jáne uzaqmerzimdi turaqtylyq­ty qamtamasyz etýge qajetti quqyqtyq negiz qalyptastyratyn tarıhı qujat», dedi M.Áshimbaev.

Suhbat kezinde atalyp ótkendeı, jańa Konstıtýsııa jobasy Ádiletti Qazaqstan ıdeıasyn tolyq iske asyrýdyń quqyqtyq negizin bekite túsedi. Sondaı-aq mańyzdy tujyrymdamalyq ózgeris­terdiń taǵy biri adam quqyqtary men bostandyqtary memlekettiń eń joǵary qundylyǵy retinde aıqyndalǵanyn aıta ketken abzal.

О́z kezeginde EO О́kildiginiń basshysy bizdiń memlekette júrgizilip jatqan konstıtýsııalyq reformalarǵa halyqaralyq qoǵamdastyq tarapynan erekshe qyzyǵýshylyq baıqalatynyn jáne Qazaqstan men EO arasyndaǵy yntymaqtastyqty odan ári nyǵaıtýǵa múddeli ekenin jetkizdi.

Osyǵan baılanysty Senat tóraǵasy Qazaqstan men EO-nyń ózara senimge negiz­delgen seriktestigine nazar aýdaryp, bul rette ekijaqty dıalogtiń belsen­di dı­na­­mı­kasy mańyzǵa ıe ekenin aıtty. Máý­len Áshimbaev Eýropa­lyq Keńes Pre­zı­den­ti Antonıý Koshta­nyń Qazaq­stan men Eýropa Odaǵy arasyn­daǵy serik­tes­tikti ny­ǵaı­týǵa qosqan úle­sin tilge tıek ete kele, ony el Prezı­denti Qasym-Jomart Toqaev byl­tyr jeltoq­sanda I dá­rejeli «Dos­tyq» ordenimen marapat­taǵanyn atap ótti.

Senat tóraǵasy parlamentaralyq baı­lanystardy sapaly jańa deńgeı­­ge kóterý Qazaqstan-Eýropa yntymaq­tas­ty­ǵyn nyǵaıtý jolyndaǵy mańyzdy qadam­dardyń biri ekenine de nazar aýdardy.

Kezdesý barysynda saýda-ekonomı­kalyq baılanystardy keńeıtý, kólik-logıstıka, ekologııalyq taza energetıka, sıfrlyq tehnologııalar, sý resýrstaryn basqarý, bilim jáne ǵylym salalaryndaǵy yntymaq­tas­tyqty nyǵaıtý máseleleri de talqylandy.