Astana qalasynda ekinshi áýejaı salý máselesi resmı deńgeıde qarastyrala bastady. Bul týraly Kólik vıse-mınıstri Talǵat Lastaev Senatta ótken brıfıng barysynda málimdedi, dep habarlaıdy Egemen.kz.
«Qala ákimdiginiń jetekshiligimen arnaıy jumys toby quryldy. Onyń quramyna barlyq quzyrly organdar endi. Bul másele óte muqııat ári egjeı-tegjeıli zertteýdi talap etedi, óıtkeni kóptegen tehnıkalyq parametrlerdi eskerý qajet», dep atap ótti Talǵat Lastaev.
Vıse-mınıstrdiń aıtýynsha, qazirgi ýaqytta mamandar men sarapshylar jobany iske asyrýdyń túrli nusqalaryn qarastyryp jatyr.
«Prosess bastaldy jáne ol júrip jatyr. Barlyq tehnıkalyq mamandar men sarapshylar yqtımal nusqalardyń bárin zerdeleýde», dedi ol.
Esterińizge sala keteıik, 2025 jyldyń jeltoqsanynda Astana ákimi Jeńis Qasymbek elordada ekinshi áýejaıdyń salynýy ábden múmkin ekenin tilge tıek etken edi.