Elimizde mektepke deıingi jáne tehnıkalyq ári kásiptik bilim berý uıymdarynda medıasııa qyzmetteri kezeń-kezeńimen engiziledi. Bul bastama bilim berý ortasyndaǵy daý-janjaldardy beıbit jolmen sheship, býllıngtiń aldyn alýǵa baǵyttalǵan, dep habarlaıdy Egemen.kz
Medıasııa – bul daý-janjaldy sotqa jetkizbeı, beıtarap úshinshi taraptyń (medıatordyń) kómegimen ózara kelisim arqyly sheshý tásili. Onyń basty qaǵıdaty – taraptardyń eriktiligi, teńdigi jáne qupııalylyqty saqtaý. Medıasııa barysynda ár tarap óz ustanymyn ashyq aıtyp, ortaq sheshimge kelýge múmkindik alady. Bul ádis tek daýdy sheship qana qoımaı, qatysýshylar arasyndaǵy ózara túsinistikti nyǵaıtyp, bolashaqtaǵy janjaldardyń aldyn alýǵa yqpal etedi.
Oqý-aǵartý mınıstrliginiń málimetinshe, jańa qyzmet balalar, stýdentter, pedagogter men ata-analar arasyndaǵy túsinispeýshilikterdi retteýge kómektesedi. Balabaqshalarda medıasııa tárbıeshiler men ata-analarǵa balalar arasyndaǵy daýly jaǵdaılardy birlesip taldaýǵa múmkindik beredi. Sonyń nátıjesinde búldirshinder erte jastan qarym-qatynas mádenıetin meńgerip, bólise bilý, kelisý jáne janjaldy ýshyqtyrmaı sheshý daǵdylaryn qalyptastyrady.
Medıasııa mádenıeti: qoǵamdaǵy tatýlyqty nyǵaıtatyn tetikke aınaldy
Al kolledjderde medıasııa qyzmeti stýdentter arasyndaǵy kelispeýshilikterdi rettep, qorqytý men qysym kórsetý jaǵdaılaryn boldyrmaýǵa yqpal etedi. Bul óz kezeginde bilim alýshylar arasyndaǵy janjal sanyn azaıtyp, oqý ornyndaǵy psıhologııalyq ahýaldy jaqsartýǵa jol ashady.
Jumystyń birizdiligin qamtamasyz etý úshin Y.Altynsarın atyndaǵy ulttyq bilim akademııasy ázirlegen ádistemelik usynymdar men arnaıy ereje qoldanylady. Qujattarda daýlardy sheshý men agressııanyń aldyn alýǵa arnalǵan naqty praktıkalyq tetikter qamtylǵan.
Medıasııa: júıe, qaǵıdat jáne tájirıbe
Medıasııa qyzmetiniń quramyna dırektordyń tárbıe isi jónindegi orynbasary, pedagogter, pedagog-psıhologtar, áleýmettik pedagogter, ata-analar, qoǵam ókilderi jáne jas ereksheligine qaraı balalardyń ózderi de kiredi.
Aıta keteıik, buǵan deıin mundaı qyzmet mektepterde «100 medıatıvti mektep» jobasy aıasynda engizilgen edi. Joba tájirıbesi janjaldardyń aldyn alýda jáne oqýshylar arasyndaǵy psıhologııalyq ahýaldy jaqsartýda tıimdiligin kórsetken.
Muǵalimge qoǵam iltıpaty mańyzdy