Investısııalyq seriktestik nátıjesi

Kezdesý barysynda Premer-mınıstr EADB-nyń kezekti stra­tegııalyq kezeńiniń aıaqtalǵany jáne elimizde jobalardy júzege asyrý úderisi týraly habardar etti.

Banktiń jınaqtalǵan portfe­linde ınvestısııalardyń jalpy kólemi 19,6 mlrd dollar bolatyn 326 joba bar. Tek 2022–2026 jyldardyń ózinde EADB qatysýshy elderdiń ekonomıkasyna 9 mlrd dollar ınvestısııa quıdy. Onyń ishinde 5,2 mlrd dollar ınvestısııalyq mindettemeler elimizge tıesili, bul banktiń buǵan deıingi 15 jyldaǵy ınvestısııa­lar kólemine teń. Keıingi tórt jylda el ekonomıkasyna salǵan ınves­tı­­sııa kólemi jyl saıyn 1 mlrd dol­lardan astam bolsa, byl­tyr ol 1,5 mlrd dollarǵa jetti. Elimizdiń EADB-nyń qazirgi ınves­tısııalyq portfelindegi úlesi búginde 64,9%-dy quraıdy. Bank­tiń elimizge salǵan ınvestısııa­lary negizgi sektorlarǵa qa­raı bólin­gen: shamamen 2,1 mlrd dol­lar – óner­kásip­ti damytýǵa, 1 mlrd dollar – ener­getıkaǵa, 1 mlrd dol­lar – kólik ınf­ra­qurylymyna, 1 mlrd dollar  qarjy sektoryna baǵyttalǵan.

Qarjy bólingen mańyzdy jobalardyń ishinde «Sılleno» gaz óńdeý zaýytynyń, Atyraý ob­lysyndaǵy KPI gaz-hımııa kesheni­niń qurylysy, taý-ken metallýrgııa kesheniniń kásiporyndaryn jań­ǵyrtý, Qaraǵandy, Almaty, Aqtóbe qalalaryndaǵy JEO-lardy qaıta jańartý, taǵy basqalar bar. Bank dástúrli energetıkanyń da, jańar­tylatyn energetıkanyń da damýyn belsendi qoldaıdy. Atap aıt­qan­da, elimizde shamamen árbir 8 kVt EADB qatysýymen óndirilgen. Bul – Qa­ra­ǵandy, Túrkistan, Aqmola, taǵy da basqa oblystardaǵy jo­ba­lar. Kólik salasynda QTJ úshin lok­o­­­mo­tıvter men júk vagonda­ryn jet­­kizý, avtomobıl joldaryn re­kons­­­trýksııalaý jobalary qar­­jy­­lan­­dyryldy. Sıfrlyq bas­ta­ma­­­lar qory men tehnıkalyq jár­dem­­­desý tetik­teri arqyly JI men sıfr­­­lyq platformalardy damytý sa­­­la­­syn­daǵy jobalarǵa qoldaý kórsetiledi.

Bıyl da EADB iri jobalardy, onyń ishinde óńdeý ónerkásibinde, taý-ken óndirý sektory men taǵy da basqa salalarda qarjylandyrýdy jalǵastyrady. Atap aıtqanda, О́skemendegi JEO-ny jańǵyrtý jalǵasady. Bul qalany jylýmen jabdyqtaý senimdiligin arttyrýǵa, jabdyqtardyń tozýyn azaıtýǵa múmkindik beredi. Túrkistan men Qyzyl­orda oblystarynda jańa óndirý­shi qýattardy iske qosatyn eki kún elektr stansasyn salý jos­parlanǵan. Telekommýnı­kasııa salasynda baılanys ınfra­qurylymy men sıfrlyq qamtýdy damytýǵa ınvestısııalar kózdelgen. О́nerkásipte óndiristi ulǵaıtýǵa, jańa jumys oryndaryn ashýǵa baǵyttalǵan jobalardy júzege asyrý kózdelgen.  

EADB basqarma tóraǵasy Bank­tiń el ekonomıkasyn damytý­ǵa, azamattardyń ómir súrý sapasyn jaqsartýǵa jan-jaqty jár­dem­­desýge daıyn ekenin atap ótti. Sondaı-aq elimizde júrgizilip jat­qan Konstıtýsııalyq reforma ın­vestısııalyq ahýaldy da odan ári jaqsartýǵa yqpal etetinin jetkizdi.

Premer-mınıstr memlekettiń qazirgi basymdyqtaryna sáıkes keletin bazalyq ınfraqurylymdy damy­týǵa ınvestısııa salýdyń mańyz­dylyǵyna toqtaldy. О́zara is-qı­myl­dyń basty baǵyttarynyń biri – eli­mizde de, basqa elderde de bel­sen­di damyp kele jatqan sıfr­lyq kún tártibi. Bul baǵytta birlesip ju­mys isteýge aıtarlyqtaı áleýet bar.

Kezdesý qorytyndysynda syn­darly áriptestikti odan ári nyǵaı­týdyń, el ekonomıkasynyń turaqty damýy múddesinde ınves­tısııa­lyq yntymaqtastyqty keńeı­týdiń mańyzdy ekeni atap ótildi.