Bolgarııanyń bas shahary – Sofııada uıymdastyrylǵan Strandja kýboginde elimizdiń boksshylary 9 júlde – 4 altyn, 2 kúmis, 3 qola medal jeńip aldy. Erler arasynda 50 kg salmaqta synǵa túsken Danııal Sábıt jartylaı fınalda Asılbek Djalılovtan (О́zbekstan), sheshýshi synda Bılalhabashı Nazarovtan (Ázerbaıjan) basym tústi. Fınalda Lavant Broýnlı (AQSh) ese jibergen Farýh Toqtasynov (70 kg) kúmis medal ıelendi.
Al qyzdardyń tabysy erlerge qaraǵanda áldeqaıda qomaqty boldy. Burymdylar básekesinde Elına Bazarova (54 kg), Nadejda Rıabes (80 kg), Valerııa Aksenova (80 kg) altynnan alqa taqty. Laýra Esenkeldi (65 kg) kúmispen kúptelse, Ánel Saqysh (54 kg), Valentına Halzova (75 kg), Dına Islambekovalar (80 kg) qola medalǵa ıe boldy.
Sofııada taekvondodan Bulgaria Open 2026 týrnıri márege jetti. 56 memleketten 645 sportshy qatysqan jarysty elimizdiń quramasy 11 júldemen qorytyndylady. Erkebulan Eńsegenov (54 kg), Javohırhon Islamov (58 kg), Eldar Birimbaı (74 kg), Batyrhan Tóleýǵalı (80 kg), Toǵjan Qaznabek (57 kg) altynnan alqa alsa, Beıbarys Qablan (+87 kg) kúmispen kúpteldi. Aıdana Qumartaeva (46 kg), Nodıra Ahmedova (49 kg), Jazıra Isına (57 kg), Batyrhan Kúsetov (80 kg), Jánel Sultanǵalıeva (46 kg) qolaǵa qol sozdy. Komandalyq esepte jerlesterimiz Reseıden keıingi ekinshi oryndy enshiledi. Bul kúnderi Máskeýde shahmattan júlde qory 261 548 AQSh dollaryn quraıtyn «Aeroflot» ashyq týrnıri ótip jatyr. Qatysýshylar reıtıngtegi upaılaryna baılanysty úsh topqa bólinip, ózara sheberlik baıqasady. Jarysta elimizdiń 8 oıynshysy óner kórsetedi. Olar – Aldııar Ańsat, Danııal Sápenov, Mark Smırnov, Saýat Nurǵalıev, Danıs Qýandyquly, Lııa Quramanǵalıeva, Orash Shonazarov, Zarına Nurǵalıeva. 26–29 naýryz aralyǵynda Astanadaǵy «Qazaqstan» sport kesheninde semserlesýden Álem kýboginiń kezeńdik saıysynyń jalaýy jelbireıdi. Jarysqa álemniń 96 elinen 600-den astam sportshy qatysady dep kútilip otyr. Básekeler erler men áıelder arasynda jekeleı, komandalyq syndar úlgisinde uıymdastyrylady. Boxing.media Instagram-akkaýnty XXI ǵasyrdaǵy eń úzdik kásipqoı boksshylardyń reıtıngin jarııalady. Myqtylar tiziminde birde-bir ret jeńilistiń kermek dámin tatpaǵan amerıkalyq Floıd Meıvezer kósh bastap tur. Ekinshi orynda – fılıppındik Mennı Pakıao. Úshinshi satyǵa AQSh-tyń taǵy bir sheberi Bernard Hopkıns jaıǵasty. Sondaı-aq Aleksandr Ýsık (Ýkraına), Saýl Alvares (Meksıka), Andre Ýord (AQSh), Terens Kroýford (AQSh), Hýan Manýel Markes (Meksıka), Roı Djons (AQSh), Naoıa Inoýe (Japonııa) syndy sańlaqtar TOP-10-dyqqa enip otyr. Elimizdiń maqtanyshy Gennadıı Golovkınge 11-oryn buıyrypty. Belgili ústel tennısshisi Alan Qurmanǵalıev Sıngapýrde ótken halyqaralyq týrnırde óner kórsetti. U19 sanatyndaǵy jarystyń alǵashqy kezeńderinde danııalyq Domınıkas Samýolısti (4:1) 4:1, qytaılyq Iý Haııandy (4:1), jergilikti oıynshylar Sea Benaı (4:3) men Loı Sın Iаony (4:0) utqan Alan shırek fınalda kolýmbııalyq Emanýel Otalvaroǵa (3:4) ese jiberdi. Qostanaıdyń «Tobyly» fýtboldan elimiz sýperkýboginiń ıegeri atandy. «Astana Arenada» ótken matchta olar Almatynyń «Qaıratyn» qapy qaldyrdy. Negizi ýaqyt 2:2 esebimen teń aıaqtaldy. Qostanaılyqtardyń sapynan Lýıs Gerra men Ashat Taǵybergen mergendik tanytsa, almatylyqtar arasynan Aleksandr Mrynskıı men Iаakko Oksanen qaqpany dál kózdedi. Penaltı soǵýda «Tobyl» oıynshylarynyń baǵy jandy – 5:4.