«Ádiletti jáne progressıvti Qazaqstannyń halyqtyq Konstıtýsııasy úshin!» jalpyulttyq koalısııasy ókilderi Shyǵys Qazaqstan oblysy turǵyndarymen kezdesti.
О́skemen qalasyndaǵy «Qazsınk» JShS ujymymen kezdesý barysynda Premer-mınıstrdiń orynbasary – Mádenıet jáne aqparat mınıstri Aıda Balaeva metallýrgııa salasynyń Qazaqstan ekonomıkasyndaǵy sheshýshi rólin atap ótti. Bul – eldiń eksporttyq áleýetin aıqyndaıtyn, halyqty jumyspen qamtı alatyn jáne qurylys, mashına jasaý jáne energetıkanyń damýyna yqpal etetin negizgi salalardyń biri. Ol Ata zańnyń jańa redaksııasy eńbek, qaýipsizdik jáne qyzmetkerlerdiń áleýmettik qorǵalý máselelerin tikeleı qamtıtynyn erekshe aıtty.
«Kóp jyldan beri «Qazsınk» kompanııasy – Qazaqstannyń tústi metaldar eksporttyq naryǵynda eń joǵary básekelestikke tótep berip, qarqyndy damyp jatqan ujym. kásibıliktiń nátıjesi. Alaıda ónerkásiptiń ári qaraı damýy, bilikti mamandardyń jumys isteýi jáne sheteldik ınvestısııalardy tartý úshin ishki saıası turaqtylyq bizge burynnan da mańyzdy bolyp otyr. О́zderińiz bilesizder, 15 naýryzda jańa Konstıtýsııa boıynsha referendým ótedi. Bul – jaı resmı rásim emes. Ár azamattyń memlekettik mańyzy bar máselelerge atsalysyp, óz ustanymyn tikeleı bildirý múmkindigi», dedi vıse-premer.
Sonymen qatar ol eńbek ujymdaryna tikeleı qatysty normalarǵa toqtaldy.
«Ata zańda eńbek etý quqyǵy, qaýipsiz eńbek jaǵdaılary jáne ádil eńbekaqy alý quqyǵy bekitiledi. Bul normalar óndiristik jaraqatty azaıtýǵa jáne qyzmetkerlerdiń densaýlyǵyn saqtaýǵa baǵyttalǵan. Iаǵnı eńbek jaǵdaıy úshin jumys berýshi men memlekettiń jaýapkershiligi eń joǵary deńgeıde – Konstıtýsııada bekitiledi. Zań ústemdigi ornyqqan elde turaqtylyq pen erteńgi kúnge senim mol bolady. Demek, kásiporyndar men qyzmetkerler otbasylaryna jaǵdaı jasaı alady. Negizgi ózgeris retinde Konstıtýsııada basty orynǵa azamat – onyń quqyqtary men qajettilikteri, eńbegi qoıylǵanyn kórýge bolady», dedi A.Balaeva.
Kásiporyn qyzmetkerleri aldynda Májilis depýtaty Sergeı Ponomarev te sóz sóıledi. Ol jańa Konstıtýsııa jobasy sıfrlyq dáýir kezeńinde jáne onlaın ortada adam quqyqtaryn qorǵaýdy kúsheıtetinin aıtty.
О́nerkásip salasynyń ókilderi de aldaǵy referendým ekonomıkanyń ornyqty damýy men eńbek ujymdarynyń bolashaǵy úshin mańyzdy ekenin sóz etti. «Qazsınk» О́skemen metallýrgııa kesheniniń dırektory Tımýr Toqjigitov te pikir bildirdi.
«Qazsınkte 19 myńǵa jýyq adam jumys isteıdi, onyń 4 myńy О́skemen metallýrgııa alańynda qyzmet etedi. Jumysshylardyń tórtten biri – jalpy nátıjege barshamen teń úles qosyp júrgen áıelder. Bizdiń eńbek ujymy úshin aldaǵy referendým – jaı qoǵamdyq-saıası oqıǵa emes, biz eńbek etip, bala tárbıelep, uzaqmerzimdi óndiristik jospar quryp otyrǵan eldiń strategııalyq damý máselesi. Biz 2026 jylǵy 15 naýryzda ótetin referendýmǵa mindetti túrde qatysamyz», dedi T.Toqjigitov.
Budan soń О́skemen qalasyndaǵy Ortalyq mádenıet úıinde oblystyń shaǵyn jáne orta bıznes, agroónerkásip kesheni ókilderimen kezdesý ótti. Onda Aıda Balaeva turaqty quqyqtyq ortany qurýdyń mańyzyn atap ótti. Sondaı-aq ol jańa Konstıtýsııa jobasynyń ınvestısııalardy qorǵaýdy kúsheıtýge, sot júıesine senim arttyrýǵa jáne turaqty ekonomıkalyq damýǵa jaǵdaı jasaýǵa baǵyttalǵanyn aıtty.
«Kásipker oıyn erejeleriniń kenetten ózgermeıtinine, ınvestısııalarynyń qorǵalatynyna, sot júıesiniń daýlardy ádil ári ashyq sheshetinine senimdi bolýy qajet. Osyndaı jaǵdaıda ǵana uzaqmerzimdi strategııalar jasalyp, jańa jumys oryndary ashylady, óndiris damıdy. Sondyqtan 15 naýryzdaǵy referendým – osy qaǵıdalardy konstıtýsııalyq deńgeıde bekitetin tarıhı múmkindik. Jańa Konstıtýsııa jobasynda menshik quqyǵyn qorǵaý kepildikteri kúsheıip, zańdardyń kúshi keri qoldanylýyna tyıym salynady, memlekettik basqarýdyń aıqyn ári jaýapty júıesi qalyptasady. Bul kásipkerlik úshin táýekelderdi azaıtsa, el úshin turaqtylyqty nyǵaıtady, ár azamat úshin bolashaqqa senimdilik beredi», dedi A.Balaeva.
Úkimet basshysynyń orynbasary «Zań jáne tártip» qaǵıdaty shynaıy básekelestikti qalyptastyrýǵa yqpal etetinin de sóz etti.
Kezdesý sońynda ShQO-nyń shaǵyn jáne orta bıznesi men agroónerkásip kesheniniń ókilderi konstıtýsııalyq ózgerister turaqtylyqqa kepildik berý, zańdy quqyqtardy qorǵaý, óndiristi jańǵyrtý jáne óńirlerdiń turaqty damýyna jaǵdaı jasaýǵa jol ashatynyn atap ótti.
Budan soń О́skemen qalasyndaǵy D.Serikbaev atyndaǵy Shyǵys Qazaqstan tehnıkalyq ýnıversıtetiniń bazasynda oblystyń týrızm salasynyń ókilderiniń qatysýymen dóńgelek ústel jıyny ótti.
Onda Premer-mınıstrdiń orynbasary týrızm salasy úshin quqyqtyq turaqtylyq, ınvestısııa men tabıǵı-mádenı murany qorǵaý erekshe mańyzdy ekenin aıtty.
«Tabıǵatty qorǵaý qaǵıdatyn bekitý úlken mańyzǵa ıe. Bul – týrıstik sala úshin strategııalyq mańyzy bar másele. Qorshaǵan ortany qorǵaý tek ekologııamen baılanysty emes, ulttyq qaýipsizdik pen bolashaq urpaqtyń máselesi. Tabıǵat – ekonomıkalyq resýrs qana emes, bizdiń ulttyq biregeıligimizdiń, tarıhymyz ben mádenıetimizdiń bir bóligi. Ony saqtaý – mindetimiz, al ony jan-jaqty damytý – óskeleń urpaq aldyndaǵy jaýapkershiligimiz. Týrızm salasy úshin erekshe mańyzdy dúnıe – aldyn ala paıymdaý men senim. Investorlar men kásipkerler zańnyń aıqyn bolýyna, menshik quqyǵynyń qorǵalýyna jáne memlekettik sheshimderdiń turaqtylyǵyna senimdi bolýǵa tıis», dedi A.Balaeva.
Jıyn sońynda Shyǵys Qazaqstan oblysynyń týrıstik sala ókilderi konstıtýsııalyq reformany qoldaıtyndaryn bildirip, aldaǵy referendýmǵa azamattardyń qatysýy qoǵam senimin arttyryp, ınvestısııalyq ahýaldy jaqsartýǵa jáne óńirlerdiń ornyqty damýyna yqpal etetin mańyzdy qadam ekenin atap ótti.