Búgin «Egemen Qazaqstan» gazetinde Premer-mınıstr Oljas Bektenovtyń «Jasampazdyqqa jetelegen jeti jyl» atty maqalasy jarııalandy. Onda Prezıdent Qasym-Jomart Toqaevtyń tutas ult taǵdyryn moınyna alǵan jeti jyldaǵy elimizdiń áleýmettik-ekonomıkalyq ózgeristeri týraly jazylǵan, dep habarlaıdy Egemen.kz.
Úkimet basshysy óz maqalasynda mektep ınfraqurylymyndaǵy qordalanǵan problemalardy joıý týraly sóz etken. Onyń aıtýynsha, keıingi jeti jylda 1 300-den astam jańa mektep salyndy, apatty jáne úsh aýysymdy bilim oshaqtarynyń sany aıtarlyqtaı azaıyp, materıaldyq-tehnıkalyq baza jańartyldy.
«Prezıdent bastamasymen júzege asyrylyp jatqan «Keleshek mektepteri» ulttyq jobasy aıasynda ǵana 2023 – 2025 jyldary búkil elimiz boıynsha eń joǵary halyqaralyq standarttarǵa sáıkes keletin 217 mektep salyndy. TALIS-2024 halyqaralyq zertteýine sáıkes, Qazaqstan muǵalimderdiń eńbekaqysymen qanaǵattaný deńgeıi boıynsha álem elderiniń úzdik bestigine kirdi. Eger 2018 jyly bul kórsetkish nebári 39% bolsa, 2024 jyly 71%-ǵa jetti. Elimizdegi pedagogterdiń 95%-y óz jumysyna kóńili tolatynyn aıtty», delingen maqalada.
Sondaı-aq maqalada mektepke deıingi uıymdar jelisi de keńeıip, olardyń qatary 12 myńǵa jetkeni jazylǵan.
Oralda 79 balabaqsha men 36 mektep salynady
Maqalanyń tolyq nusqasyn myna silteme arqyly oqýǵa bolady.
Elimizde 200-den astam jańa mektep salynady