Halyqaralyq shahmat federasııasy jańartylǵan álemdik reıtıngti jarııalady. Jańartylǵan tizimde shahmatshy Bıbisara Asaýbaeva úsh satyǵa joǵarylap, álemniń úzdik on oıynshysy qataryna endi, dep jazady Egemen.kz.
FIDE jarııalaǵan reıtıngke sáıkes, Bıbisara Asaýbaeva 2516 upaımen toǵyzynshy orynǵa jaıǵasty. Buǵan deıin ol ondyqtyń tómengi bóliginde bolǵan.
Bıbisaranyń tabysy – 10 668 dollar
Áıelder arasynda reıtıng kóshin qytaılyq Hoý Ifan bastap tur. Onyń enshisinde 2596 upaı bar. Úzdik bestikke sondaı-aq Qytaıdyń taǵy tórt shahmatshysy engen: Chjý Szıner (2578), Leı Tınsze (2566), Szıýı Venszıýn (2559) jáne Tan Chjýnı (2535).
Alǵashqy ondyqtyń qalǵan bóligi mynadaı: Hampı Konerý (Úndistan, 2535), Aleksandra Gorıachkına (Reseı, 2534), Anna Mýzychýk (Ýkraına, 2522), Ekaterına Lagno (Reseı, 2508).
Saıasat Nurbek: Ár bala mektep kezinen shahmatty jetik meńgerýi tıis
Erler arasynda álemdik reıtıngtiń kóshbasshysy – norvegııalyq grossmeıster Magnýs Karlsen. Onyń kórsetkishi – 2840 upaı. Ekinshi orynda amerıkalyq Hıkarý Nakamýra (2810), al úzdik úshtikti taǵy bir AQSh ókili Fabıano Karýana (2795) túıindep tur.
Ulttyq úlgidegi shahmat
Osylaısha, Bıbisara Asaýbaevanyń reıtıngtegi ilgerileýi qazaqstandyq shahmattyń halyqaralyq arenadaǵy áleýetin taǵy bir márte aıqyndady.