Taıaý Shyǵysta júrgen qazaqstandyqtar elge áýe keńistigi tolyq qaýipsiz dep tanylǵannan keıin ǵana qaıta alady. Bul týraly Kólik mınıstrliginiń baspasóz qyzmeti málimdedi, dep jazady Egemen.kz.
Vedomstvo dereginshe, óńirde ótken demalys kúnderi bastalǵan áskerı qaqtyǵys saldarynan jaǵdaı kúrdeli kúıinde qalyp otyr. Áýe qatynasyna tóngen qaýipke baılanysty turaqty reıster ýaqytsha toqtatylǵan.
Kólik mınıstrligi Azamattyq avıasııa komıteti tóraǵa orynbasarynyń mindetin atqarýshy Baýyrjan О́miralıev jaǵdaıǵa qatysty túsinikteme berdi.
«Operatıvtik shtab músheleri osy elderdegi jaǵdaıdy turaqty túrde baqylap otyr. Osyǵan baılanysty keste boıynsha josparlanǵan 13 reıs tolyqtaı toqtatyldy. Áýe keńistigi ashylyp, ushý qaýipsizdigine qater joıylǵan jaǵdaıda otandyq áýe kompanııalary qaıtarý reısterin oryndaý úshin áýe kemelerin bólýge daıyn ekenin bildirdi», dedi ol.
Iranda júrgen qazaqstandyqtar elge qalaı oralady?
Qaqtyǵysqa tartylǵan nemese oǵan irgeles elderdiń bılik organdarymen kelissózder táýlik boıy júrgizilip jatyr. Qazaqstannyń Taıaý Shyǵys elderindegi dıplomatııalyq ókildikteri kúsheıtilgen jumys rejımine kóshken. Olar óńirde jáne tranzıttik aımaqtarda júrgen otandastardyń tizimin naqtylap, jedel baılanys nómirlerin taratyp jatyr.
Iran sheteldik stýdentterdiń elden shyǵý tártibin jeńildetti
Sonymen qatar Syrtqy ister mınıstrligi qaqtyǵys aımaǵynda naqty qansha Qazaqstan azamaty bar ekenin ázirge aıta almaı otyr. Vedomstvo azamattardy sabyr saqtaýǵa, jergilikti bılik talaptary men usynymdaryn oryndaýǵa, qaýpi joǵary aımaqtardan aýlaq bolýǵa shaqyrdy.
Otandastarymyz qaı elder arqyly evakýasııalanady?
Qazirgi ýaqytqa deıin el azamattarynń arasynda zardap shekkender týraly aqparat túsken joq.