Memleket basshysy Qasym-Jomart Toqaev Ishki ister mınıstri Erjan Sádenovti qabyldady. Prezıdentke eldegi krımınogendik ahýal týraly jáne qoǵamdyq qaýipsizdik pen quqyqtyq tártipti qamtamasyz etý jóninde buǵan deıin bergen tapsyrmalarynyń oryndalý barysy baıandaldy, dep jazady Egemen.kz.
Erjan Sádenov bıylǵy eki aıdyń qorytyndysy boıynsha Qazaqstanda qylmys deńgeıi 8%-ǵa tómendegenin jetkizdi. Bul byltyrǵy sáıkes kezeńmen salystyrǵanda 1,3 myńǵa az. Quqyqbuzýshylyqtyń negizgi sanattaryndaǵy kórsetkish tómendep, qylmystardy ashý deńgeıiniń artqany baıqalady.
Internet-alaıaqtyqqa qarsy júıeli kúres jalǵasýda. Aldyn alý sharalary jáne sheteldik quqyq qorǵaý organdarymen ózara is-qımyldyń arqasynda kıberqylmys kólemi 4%-ǵa tómendedi.
Parlament depýtattary qylmystyq qaýip-qaterdi boljaý júıesiniń tıimdiligin talqylady
Uıymdasqan qylmysqa qarsy is-qımyl aıasynda 71 adam qylmystyq jaýapkershilikke tartyldy, 11 toptyń qyzmeti toqtatyldy. Al esirtki qylmysyna qarsy kúres belsendi túrde júrgizilip keledi: bes esirtki zerthanasy joıyldy. 881,5 kılo ártúrli esirtki zattarynyń, sonyń ishinde 104 kılodan astam sıntetıkalyq esirtkiniń zańsyz aınalymǵa enýine jol berilmedi.
Astanada ulandyqtar esirtki qylmysynyń jolyn kesti
Qasym-Jomart Toqaevqa kóshelerdegi quqyqtyq tártip pen jol qaýipsizdigin qamtamasyz etý úshin sıfrlyq sheshimderdi keńinen qoldaný, kóshi-qon baqylaýyn kúsheıtý jáne jazadan bultartpaý jónindegi sharalar týraly málimet berildi.
Azamattardy qorǵaýǵa baǵyttalǵan zańnamalyq bastamalarǵa erekshe nazar aýdaryldy. 2025 jyly «Quqyqbuzýshylyqtyń aldyn alý týraly» Zań qabyldandy. Dropperlik, stalkıng jáne nekege májbúrleý úshin qylmystyq jaýapkershilik engizildi.
Kezdesý sońynda Memleket basshysy eldegi qoǵamdyq qaýipsizdik pen quqyqtyq tártipti odan ári nyǵaıtýǵa baǵyttalǵan birqatar naqty tapsyrma berdi.
Prezıdent: «Qyz alyp qashý» – aýyr qylmys