Kelisim men turaqtylyq temirqazyǵy

Ýnıversıtet professor-oqytýshylar men stýdent jastar qatysqan kezdesýde Shymkent qalasy ákiminiń oryn­basary Sár­sen Quranbek konstı­týsııa­lyq refor­malardyń mańy­zyn atap ótti. Talqy­laýdyń joǵary deńgeıde uıymdas­tyry­­lýyna ýnıversıtettiń bas­qarma tóraǵasy, pedagogıka ǵylymdarynyń doktory, professor, UǴA akademıgi Ońal­baı Aıashuly yqpal etti. Ýnıversıtet rektory, tehnıka ǵylymdarynyń kandıdaty, professor Qanat Baıbolov júrgizgen jıyn barysynda 15 naýryzda ótetin respýblıkalyq referendým aıasynda jańa Konstıtýsııa jobasy jan-jaqty talqylandy. Alǵash bolyp sóz alǵan Qazaqstan Respýblıkasynyń qurmetti sýdıasy, Ardagerler uıymynyń tóralqa múshesi, J.Táshenov atyndaǵy ýnıversıteti quqyq jáne bıznes kafedrasynyń profes­sory, zań ǵylymdarynyń doktory Beket Turǵaraev Kons­tı­týsııanyń memle­kettik strate­gııalyq damý baǵytyn aıqyn­daıtyn basty qujat ekenine toqtaldy.

 – Konstıtýsııa – el da­mýynyń temirqa­zyǵy. Jańa Kons­tıtýsııada adam kapıtalyn damytýdy basty baǵyty retinde aıqyndaıdy. Búgingi jańarý úderisi – ýaqyt suranysynan týyndaǵan zańdy qadam. Bilim, ǵylym, mádenıet jáne ınno­vasııa salalaryna erekshe mán berilip, ulttyq mádenıet­ti qoldaý men tarıhı-mádenı murany saqtaý konstıtýsııalyq qaǵıdat deńgeıine kóterildi. Bul memlekettiń bolashaǵy tabıǵı resýrstarǵa ǵana emes, eń aldymen bilimdi, zııatkerlik áleýeti joǵary azamattarǵa súıenetinin kórsetedi, – dedi B.Turǵaraev.

Al ýnıversıtettiń vıse-rektory, zań ǵylymdarynyń kandıdaty Janar Rys­bekova Konstıtýsııa quqyq ústemdiginiń kepili ekenin atap ótti.

– Jańa ózgerister azamattar­dyń qu­qyq­tary men bostandyqta­ryn qorǵaýdy kúsheıtip, ádiletti qoǵam qurýǵa naqty tetikterdi usyndy. Sonymen qatar Ata Zańda neke erikti túrde er men áıel­diń odaǵy retinde bekitilýi – otbasy ınstıtýtyn nyǵaıtýǵa jáne dástúrli qundylyqtardy qorǵaýǵa baǵyttalǵan mańyzdy qadam, – dedi vıse-rektor.

Sonymen qatar ekonomıka jáne quqyq fakýltetiniń dekany, ekonomıka ǵylymdarynyń kan­dıdaty Álmara Erkinqyzy eko­nomıkalyq turaqtylyq pen áleý­mettik ádilettilikti qamta­masyz etý máselelerine mán berdi. Quqyq jáne bıznes kafed­rasynyń meńgerýshisi, zań ǵy­lymdarynyń kandıdaty Nur­lan Rafhanuly quqyqtyq mádenıet­tiń mańy­zyn aıqyndady. Ol quqyq­tyq memleket qurý ortaq jaýap­ker­shilik ekenin jáne zańdy qurmet­teý men ony buljytpaı oryn­daý qoǵam damýynyń basty sharty ekenin aıtty. Fılologııa ǵylymdarynyń kandıdaty, dosent, Jazýshy­lar odaǵy­nyń múshesi, jazýshy Zylıha Jan­tasova Konstıtýsııadaǵy aza­mat­tardyń quqyqtary men aza­mat­tyq bolmys, bilim men ǵy­lym, otbasy qundylyqtary jaıyn­da baıandady. «Qazaqstan – zań­ǵa súıengen, bilimge umtylǵan, ǵy­lym­dy damytqan, ana tilin qa­dir­legen ulttyń qolynda», dedi ja­zý­shy. Stýdenttik prorek­tor Shuǵyla Ibra­gım jastar úshin Kons­tıtýsııa múmkin­dik pen jaýap­ker­shilik qujaty ekenin jetkizdi.

Kezdesý barysynda qala ákiminiń orynbasary Sársen Abaıuly qoldanystaǵy Konstı­týsııanyń Táýelsiz Qazaqstannyń qalyptasýy men damýy kezeńin­de eldegi qoǵamdyq kelisim men saıa­sı turaqtylyqty qamtamasyz etýde mańyzdy ról atqarǵanyn atap ótti.

– Ata Zań osy ýaqytqa deıin ózine júktel­g­en tarıhı mıssııany tolyq oryn­dady. Qazirgi kezeńde qoǵam men memle­kettiń damý talaptaryna saı, memleket­tilikti odan ári nyǵaıtyp, zamanaýı syn-qaterlerge jaýap bere alatyn jańa Konstıtýsııa qabyldaý qajettiligi týyndap otyr, – dedi Sársen Abaıuly.

Sondaı-aq ol jańa Konstıtý­sııa jobasynda ulttyq múdde men ulttyq erekshelikterge aıryqsha mán berilgenin saralady. Onyń aıtýynsha, qujatta ádilettilik pen teńdik qaǵıdattaryn basshy­lyqqa alatyn, azamattardyń quqyqtary men bostandyqtaryn qorǵaýǵa baǵyttalǵan mańyzdy normalar kózdelgen.

Basqosý qorytyndysynda ýnıversıtet professor-oqytý­shylar quramy men stýdentter qaýymy atynan fılologııa ǵylymdarynyń kandıdaty Lázzat Ábenova respýblıkalyq referendýmdy qoldaýǵa arnalǵan Úndeýdi jarııa etti.

Úndeýde «Búgingi mindet – Ata Zańda naqtylanǵan qun­dylyqtardy kúndelikti ómir saltyna aınaldyrý. Bilimdi urpaq tárbıeleý, ǵylymdy damytý, sıfrlyq transforma­sııany ilgeriletý, jer men elge adal qyzmet etý – osynyń bári Konstıtýsııalyq qaǵıdattarmen sabaqtas.

Biz, Jumabek Táshenov ýnı­versıtetiniń pro­fessor-oqy­týshylary men stýdent-jas­tar qaýymy Konstıtýsııa qaǵı­dattaryn tirek ete otyryp, Jańa tarıhı kezeńde bir maqsat, bir múdde, bir jaýapkershilik­pen áreket etip, Ádi­letti, Zııat­ker, Qýatty Qazaqstandy birge quraıyq!» delingen.

ShYMKENT