QARAǴANDY. 13 mamyr. Qaraǵandydaǵy Muhtar Áýezov atyndaǵy qalalyq kitaphanada «Umytylmas joldar» atty taqyryppen Máskeý kitaphanasynyń oqyrmandarymen onlaın-kezdesý ótti. Naqty aıtsaq, qaraǵandylyq maıdangerler Reseı astanasyndaǵy Ortalyq kitaphanalar júıesi ońtústik ákimshilik aımaǵynyń Lev Tolstoı atyndaǵy kitaphanasy oqyrmandarymen onlaın kezdesti. Bul týraly egemen kz tilshisi habarlady.
Sharaǵa jergilikti soǵys ardagerleri – Nıkolaı Arhangelskıı, Nefızıa Agısheva jáne Serafıma Ponomarevamen qatar, qaraǵandylyq stýdentter de qatysty.
Telejúzdesýde alǵashqy sóz kezegi máskeýlik soǵys ardagerlerine tıdi. Olardyń ortaq merekemen quttyqtaýynan soń N.Krýpınoı atyndaǵy dramstýdııa talapkerleri Máskeýdi qorǵaý týraly teatrlandyrylǵan qoıylym kórsetti.
Qaraǵandy kitaphanasynyń qyzmetkerleri óz baǵdarlamalary boıynsha qalanyń Jeńiske qosqan úlesin baıandaıtyn derekterdi, fotosýretterdi tanystyryp, jas ónerpazdar merekelik kóńil-kúı syılady.
Aıqyn Nesipbaı.
Derek: egemen.kz.
Sýret: ekaraganda.kz.