Qazaqstanda jeke detektıvterdiń qyzmetin retteıtin jańa zań jobasy qarastyrylyp jatyr. Májilis depýtattary jeke detektıvtik qyzmet týraly zań jobasyn jumysqa qabyldady. Qujatta zań talaptaryn buzǵany úshin jeke mamandarǵa da, bıznes sýbektilerine de aıyppul salý qarastyrylǵan, dep habarlaıdy Egemen.kz.
Zań jobasyn ázirleýshiler Qazaqstan Respýblıkasynyń Ákimshilik quqyq buzýshylyq týraly kodeksine 470-1-bap – «Detektıvtik qyzmet salasyndaǵy zańnamany buzý» degen jańa normany engizýdi usynyp otyr.
Bul bap boıynsha kelesi jaǵdaılar zańbuzýshylyq retinde qarastyrylady:
zań talaptaryna sáıkes kelmeıtin adamǵa detektıvtik qyzmetke lısenzııa berý;
belgilengen talaptarǵa saı kelmeıtin tulǵany jeke detektıv qyzmetine qabyldaý (mysaly, 30 jastan tómen nemese zańmen máselesi bar adamdar);
detektıvtiń qyzmet barysynda onyń mártebesin rastaıtyn arnaıy qujatynyń bolmaýy.
Shotyna 1 mln teńgeden astam qarajat túsetinderge aıyppul salyna ma? Aıyppul mólsheri qansha?Eger zań qabyldansa, negizgi zańbuzýshylyqtar úshin aıyppul kólemi mynadaı bolýy múmkin:
jeke tulǵalarǵa – 5 AEK (2026 jyly 21 625 teńge);
shaǵyn bızneske – 40 AEK (173 000 teńge);
orta bızneske – 80 AEK (346 000 teńge);
iri bızneske – 100 AEK (432 500 teńge).
Al daıyndalyp jatqan nemese jasalǵan qylmys týraly aqparatty jasyrý (eger ol qylmystyq jaýapkershilikke jatpasa) úshin aıyppul kólemi joǵary bolady:
jeke tulǵalarǵa – 10 AEK (43 250 teńge);
shaǵyn bızneske – 60 AEK (259 500 teńge);
orta bızneske – 100 AEK (432 500 teńge);
iri bızneske – 120 AEK (519 000 teńge).
Qaıtalanǵan quqyqbuzýshylyqtar úshin aıyppul kólemi taǵy da ulǵaıady. Mysaly, iri bıznes úshin 170 AEK-ke deıin jetýi múmkin jáne qyzmetin toqtatý sharasy qoldanylýy yqtımal.
«Aqyldy» kameralar quryǵy: 12 naýryzdan bastap aıyppuldar avtomatty túrde jazylady
Kimder detektıv bola alady?Zań jobasyna sáıkes, jeke detektıv bolý úshin Qazaqstan azamaty arnaıy lısenzııa alýy tıis. Detektıv qyzmetin jeke jáne zańdy tulǵalar paıdalana alady. Sonymen qatar detektıv pen klıent arasynda mindetti túrde kelisimshart jasalýy kerek.
Jańa zań jobasy jeke detektıvtik qyzmetti resmı túrde retteýge baǵyttalǵan. Ol saladaǵy jumysty ashyq ári zańdy etýge, sondaı-aq klıentterdiń quqyqtaryn qorǵaýǵa múmkindik beredi. Budan bólek, naqty talaptar men jaýapkershilik engizý arqyly zańsyz áreketter men teris paıdalanýdyń aldyn alý kózdelip otyr.
Jambylda oqýshylardyń álimjettigi úshin ata-anaǵa aıyppul salyndy