Astana qalasynda shyǵý tegi belgisiz jáne sapasy kúmándi et ónimderin zańsyz satýdyń aldyn alý jumystary jalǵasyp jatyr. Qala aýmaǵynda «Mal urlyǵy» jedel-profılaktıkalyq is-sharasy aıasynda polısııa qyzmetkerleri saýda oryndaryna jetkiziletin et ónimderiniń zańdy shyqqan jerin anyqtaý jáne olardyń veterınarııalyq-sanıtarııalyq talaptarǵa sáıkestigin tekserý maqsatynda reıdter júrgizýde, dep habarlaıdy Egemen.kz.
Is-sharanyń negizgi maqsaty – turǵyndardyń densaýlyǵyn qorǵaý jáne elordanyń azyq-túlik qaýipsizdigin qamtamasyz etý.
Tekserý barysynda antısanıtarııalyq jaǵdaıda mal soıylyp, veterınarııalyq baqylaýsyz ári tıisti qujattamasyz et ónimderin satý úshin daıyndalǵan birneshe jasyryn seh anyqtaldy.
Jalpy alǵanda, zańsyz aınalymnan shamamen 3 myń tonna et ónimi tárkilenip, keıin olar belgilengen tártippen «Astana-Vetservıs» ShJQ MKK mamandarymen birlesip joıylǵan.
Toqaev: Qazaqstan Azııa úshin et ónimderiniń iri eksporttaýshysy bola alady
Sondaı-aq jeke turǵyn úılerdiń biriniń aýlasyndaǵy qosalqy qurylystarda zańsyz jumys istegen jasyryn anyqtaldy. Onda ruqsat qujattarynsyz jáne veterınarııalyq baqylaýdan ótpegen et ónimderin óńdeý, saqtaý jáne ótkizý jumystary júrgizilgen.
Tekserý kezinde et óńdeýge arnalǵan jabdyqtarmen qatar veterınarııalyq anyqtamasyz iri jáne usaq maldyń 60 basy, tutas et, tuıaqtar jáne basqa da bólikter tabyldy.
Qazirgi ýaqytta atalǵan derekter boıynsha tekserý júrgizilip, iske qatysy bar tulǵalardy anyqtaý jumystary jalǵasyp jatyr. Olar zań talaptaryna sáıkes jaýapkershilikke tartylmaq.
Pavlodar oblysynda mal urlyǵymen aınalysqan qylmystyq top ustaldy
Polısııa turǵyndarǵa et ónimderin satyp alý kezinde onyń zańdy shyqqanyn rastaıtyn veterınarııalyq anyqtamalarǵa, ilespe qujattarǵa jáne tańbalanýyna muqııat qaraýdy eskertedi. Ruqsatsyz satylǵan ónimder zańnamaǵa sáıkes jaýapkershilikke ákeletinin atap ótti.