AQTAÝ. 13 mamyr. Mańǵystaý oblysynda úsh jigit oqýshy balany tonap ketti. Bul týraly egemen.kz tilshisi habarlady.
Oqıǵa Qaraqııa aýdanynyń Munaıshy aýylynda bolǵan. Japa shekken balanyń anasy, 38 jastaǵy jergilikti turǵyn polısııaǵa shaǵym túsirip, ulyn belgisiz bireýlerdiń tonap ketkenin habarlady. Keıin belgili bolǵandaı, úsh jigit mektep oqýshysyn qorqytyp, kólikke otyrǵyzady da, aýyl shetine aparyp kúrtesi men shalbaryn sheship alǵan.
Jábirlenýshiniń otbasy materıaldyq shyǵyndy 10 myń teńge dep baǵalady. Tártip saqshylary osy oqıǵaǵa qatysy bar 25 jastaǵy jigitti ustady. Qylmysqa qatysýshy qalǵan eki kúdikti izdestirilýde.
Gúlaıym Shyntemirqyzy.
Derek: egemen.kz.
Sýret: vko.sud.kz.