QOSTANAI. 13 mamyr. Qostanaıda Chernobyl apatyn sóndirýge qatysqan jerlesimiz, Keńes Odaǵynyń Batyry Leonıd Telıatnıkovke eskertkish taqta qaladaǵy №2 mamandandyrylǵan órt sóndirý bóliminiń ǵımaratyna ilindi. Bul týraly egemen.kz tilshisi habarlady.
Leonıd Petrovıch Telıatnıkov Qostanaı oblysy Meńdiqara aýdanyndaǵy Vveden selosynda 1951 jyly týǵan. KSRO IID Sverdlov órt-tehnıkalyq ýchılıshesin, odan keıin Máskeýdegi ınjenerlik órt-tehnıkalyq joǵary mektebin bitirgen. 1971 jyldan 1982 jyl aralyǵynda Qostanaı oblysynyń órtten qorǵaý garnızonynda qyzmet etti. Ol 1986 jylǵy sáýirde bolǵan Chernobyl atom stansııasyndaǵy órt apatyn joıý jumystaryna basshylyq ettti. HH ǵasyrdaǵy eń aýyr tehnogendik apattyń basty aýyrlyǵyn osy bólimshe kórgen edi. Qaıǵyly oqıǵa ýaqytynda Leonıd Telıatnıkov AES janyndaǵy órt bólimi bastyǵy bolatyn. О́zi jáne onyń qaramaǵyndaǵylar 4-shi energoblok apatyna tikeleı jaqyn jerde ornalasty. О́rt sóndirý barysynda olar, óte kóp mólsherdegi sáýle qabyldady. О́rt sóndirýshiler óz densaýlyǵynyń jáne ómirin qurban ete otyryp, ot alaýynyń jaqyn nysandarǵa taralýyna jol bermedi jáne jańa jarylystyń aldyn aldy.
Eskertkish taqtanyń ilinýine qatysty merekelik is-sharaǵa oblystyq TJD basshylyǵy, azamattyq qorǵaý organdarynyń ardagerleri, Qostanaı oblysy órtke qarsy qyzmet garnızonynyń ofıserleri qatysty.
Departament bastyǵynyń orynbasary polkovnık Vıktor Shıller Leonıd Telıatnıkovke arnalǵan memorıaldyq taqta bolashaq urpaqtyń ıaderlik energetıkanyń tarıhynda bolǵan Chernobyl apatynyń batyry, patrıot, jigerli jeke tulǵa týraly esterine salatynyn aıtty.
Azamattyq qorǵaý organynyń ardagerleri Leonıd Telıatnıkov týraly estelikter aıtty. Olar ótken ǵasyrdyń 70-shi jyldary Leonıd Petrovıchpen birge jumys istegen edi. Áriptester onyń óz isin sheksiz súıgen jáne ár ýaqytta daıyn, batyl jáne tártipti adam bolǵandyǵy týraly aıtyp ótti.
Názıra Járimbetova.
Derek, sýret: egemen.kz