Elimizde osy jyldyń alǵashqy eki aıynda jol qozǵalysy erejesin (JQE) buzý derekteri azaıǵan. Alaıda sarapshylar bul kórsetkish joldaǵy tártiptiń kúrt jaqsarǵanyn bildirmeýi múmkin ekenin aıtady. Mamandardyń pikirinshe, statıstıkadaǵy ózgeriske avtomatty beınebaqylaý júıeleriniń qoldanylý deńgeıi áser etýi múmkin, dep jazady Egemen.kz.
Bas prokýratýranyń Quqyqtyq statıstıka jáne arnaıy esepke alý komıtetiniń derekterine súıensek, 2026 jyldyń qańtar-aqpan aılarynda el boıynsha kólik jáne jol sharýashylyǵy salasynda shamamen 1,95 mıllıon ákimshilik quqyq buzýshylyq tirkelgen.
Bul ótken jyldyń dál osy kezeńimen salystyrǵanda 12 paıyzǵa az. Sarapshylardyń aıtýynsha, sońǵy jyldary saladaǵy statıstıkanyń tómendeýi sırek qubylysqa aınalǵan. Sebebi buǵan deıingi statıstıka kerisinshe turaqty ósimdi kórsetip kelgen.
Mysaly, 2024 jylmen salystyrǵanda ótken jyly avtomatty túrde tirkelgen quqyq buzýshylyqtar sany 52 paıyzǵa, al odan bir jyl buryn 49 paıyzǵa artqan. Jalpy alǵanda, jyl saıyn tirkeletin jol erejesin buzýdyń ortasha ósimi shamamen 21 paıyzdy quraǵan.
Qostanaıda tólenbegen 102 aıyppuly bar júrgizýshi anyqtaldy
Sarapshylar jol erejesin buzý derekteriniń ósýine avtomatty foto jáne beınebaqylaý júıeleriniń keńinen engizilýi áser etkenin aıtyp otyr.
О́tken jyldyń qorytyndysy boıynsha elimizdegi jol kameralary 11,1 mıllıonǵa jýyq quqyq buzýshylyqty tirkegen. Bul 2023 jylǵy kórsetkishten 85 paıyzǵa joǵary.
Dese de bıylǵy statıstıkada keıbir baptar boıynsha tirkelgen quqyq buzýshylyqtar kúrt tómendegeni baıqalyp otyr.
Máselen:
• jol belgileri men jol tańbasynyń talaptaryn saqtamaý (ÁQBtK 601-baby) derekteri shamamen úsh esege azaıǵan;
• tyıym salynǵan baǵdarsham belgisinen ótý (599-bap) faktileri eki esege tómendegen.
Mamandar muny da avtomatty beınefıksasııa júıeleriniń qoldanylýymen baılanystyrady. Sebebi osy eki bap boıynsha quqyq buzýshylyqtardyń tórtten úsh bóligi kameralar arqyly anyqtalady. Aıta keterligi, ótken jyldyń dál osy kezeńinde mundaı buzýshylyqtar kerisinshe tek ósim kórsetip otyrǵan.
12 naýryzdan bastap kameralar arqyly tirkeletin quqyq buzýshylyqtar kóbeıedi2026 jyldyń 12 naýryzynan bastap Qazaqstanda quqyq buzýshylyqtardy avtomatty tirkeý júıesine qatysty zańnamalyq ózgerister kúshine enedi.
Túrkistan oblysynda 13 mln teńge aıyppuly bar júrgizýshi anyqtaldy
Bul ózgerister 2026 jylǵy 9 qańtarda qabyldanǵan «Ákimshilik quqyq buzýshylyq týraly kodekske ózgerister men tolyqtyrýlar engizý týraly» zań negizinde engizilgen.
Jańartylǵan normalar Ákimshilik quqyq buzýshylyq týraly kodekstiń 31-babyna qatysty. Bul bap avtomatty rejımde anyqtalǵan quqyq buzýshylyqtar úshin jaýapkershilik tártibin retteıdi.
Buǵan deıingi zań redaksııasy boıynsha, avtomatty túrde tirkelgen quqyq buzýshylyqtar úshin kólik quralynyń ıesi nemese ıelenýshisi jaýapqa tartylatyn.
Sondyqtan avtomatty kameralar negizinen jol erejesine qatysty ólshenetin buzýshylyqtardy ǵana tirkeıtin. Olardyń qatarynda:
• jyldamdyqty asyrý;
• baǵdarshamnyń tyıym salynǵan belgisinen ótý;
• jol tańbasyn elemeý sekildi jaǵdaılar boldy.
Jańa redaksııa: Quqyq buzýshynyń ózi jaýap beredi12 naýryzdan bastap baptyń jańa redaksııasy kúshine enedi. Endi ákimshilik quqyq buzýshylyq sıfrlyq júıeler arqyly anyqtalǵan jaǵdaıda jaýapkershilik tikeleı quqyq buzýshylyqty jasaǵan tulǵaǵa júkteledi.
Bul úshin derekter Ákimshilik óndiristerdiń biryńǵaı tizilimimen ıntegrasııalanǵan sıfrlyq júıeler arqyly óńdeledi.
Ishki ister mınıstrligi qazirgi ýaqytta tehnıkalyq júıeler tek kólik quraldarynyń jol qozǵalysy erejesin buzý jaǵdaıyn anyqtaýǵa arnalǵanyn málimdedi.
Aıyppul arqalap júrmeńiz: Almaty – Astana tasjolynda jańa kameralar iske qosyldy
Iаǵnı jańa normalar birden barlyq ákimshilik quqyq buzýshylyqtardy avtomatty túrde tirkemeıdi.
Kameralar anyqtaıtyn buzýshylyqtar tizimi keńeıediZańdaǵy ózgerister negizinen kameralardyń tehnıkalyq múmkindigin keńeıtýdi kózdeıdi. Buǵan deıin avtomatty júıeler alty negizgi quqyq buzýshylyqty anyqtaı alatyn:
• jyldamdyqty asyrý;
• baǵdarshamnyń qyzyl túsinen ótý;
• jol belgileri men tańbasyn saqtamaý;
• kólikti durys toqtatpaý nemese turaqqa qoımaý;
• ozý jáne jolaqta ornalasý erejesin buzý;
• jaıaý júrginshilerge jol bermeý.
Endi kameralar:
• qaýipsizdik beldigin taqpaý;
• kólik júrgizý kezinde telefonmen sóılesý erejesin buzǵandardy dy anyqtaýǵa qaýqarly.
Qujattarǵa qatysty zańbuzýshylyqtar da avtomatty túrde anyqtalýy múmkinSarapshylardyń aıtýynsha, júıeler Ákimshilik óndiristerdiń biryńǵaı tizilimimen ıntegrasııalaný arqyly qujattarǵa qatysty keıbir quqyq buzýshylyqtardy da avtomatty túrde anyqtaı alady.
Bul qatarda:
• tehnıkalyq baıqaýdyń merzimi ótip ketken jaǵdaıda;
• saqtandyrý polısi bolmaǵan kezde;
• qarý saqtaý ruqsatynyń merzimi ótý syndy jaǵdaılar bar.