Abaı ýnıversıteti elimizdegi áıelder qaýymynyń kóshbasshylyq áleýetin arttyrýǵa baǵyttalǵan biregeı bastamany qolǵa aldy. Ýnıversıtet qabyrǵasynda «Saıasat jobasy jáne áıelder kóshbasshylyǵy» bilim berý baǵdarlamasy iske qosylmaq. Atalǵan bastama «Amanat» partııasynyń qoldaýymen júzege asyp otyr, dep habarlaıdy Egemen.kz.
Bilim berý baǵdarlamasy memlekettik basqarý, qoǵamdyq saıasat, azamattyq qoǵam ınstıtýttary men úkimettik emes uıymdar salasynda qyzmet etip júrgen mamandarǵa arnalǵan. Ony sátti aıaqtaǵandarǵa memlekettik basqarý jáne qoǵamdyq saıasat salasyndaǵy magıstrlik dáreje beriledi. EMBA (Executive Master of Business Administration) formatyndaǵy bul oqý kýrsy zamanaýı memlekettik menedjmenttiń barlyq talaptaryn eskere otyryp ázirlengen.
«Taza Qazaqstan»: Abaı ýnıversıtetiniń stýdentteri Ile-Alataý parkimen ekologııalyq jobalardy iske asyrady
«Abai University» medıa ortalyǵynyń dereginshe, «Saıasat jobasy jáne áıelder kóshbasshylyǵy» bilim berý baǵdarlamasynyń mazmuny strategııalyq menedjment, qoǵamdyq saıasatty jobalaý, genderlik saıasat, ınklıýzıvti damý jáne sıfrlyq memlekettik basqarý sııaqty ózekti baǵyttardy qamtıdy. Sonymen qatar, tyńdaýshylar kelissózder júrgizý men medıasııa daǵdylaryn meńgerip, naqty keıster negizinde basqarýshylyq sheshim qabyldaýdy úırenedi. Bul bilim berý modeli teorııadan góri praktıkalyq nátıjege basymdyq berip, strategııalyq jobalardy iske asyrýǵa múmkindik beredi.
Aýqymdy bilim berý jobasy «Amanat» partııasynyń tikeleı qoldaýymen júzege asyrylýy onyń saıası jáne strategııalyq mańyzyn aıqyndaı túsedi. Partııanyń bul bastamaǵa seriktes bolýy – elimizdegi áıelderdiń qoǵamdyq-saıası ómirge aralasý belsendiligin arttyrý men genderlik saıasatty ilgeriletýge baǵyttalǵan naqty qadamy.
Qazaqstanda bıznespen aınalysatyn áıelderge kimder kómektesedi?
Qazirgi tańda áıelderdiń qoǵamdaǵy rólin nyǵaıtýǵa baǵyttalǵan jańa múmkindikter qarastyrylyp, iske qosylyp jatyr. Jańa baǵdarlama bilim men kóshbasshylyqty ushtastyryp, el damýyna úles qosatyn jańa býyn qalyptastyrýdy kózdeıdi.
ALMATY