Ulytaý oblysynyń ortalyǵy Jezqazǵan qalasyndaǵy «Jiger» sport kesheninde aldaǵy referendýmdy qoldaýǵa arnalǵan «Ádiletti ári progressıvti Qazaqstannyń halyqtyq Konstıtýsııasy úshin!» atty forým ótti, dep habarlaıdy Egemen.kz.
Forým barysynda qatysýshylarǵa konstıtýsııalyq ózgeristerdiń mańyzy, olardyń eldiń odan ári damýyna jáne ádiletti, progressıvti qoǵam qalyptastyrýdaǵy róli túsindirildi. Sondaı-aq referendýmnyń Qazaqstannyń bolashaǵy úshin mańyzdylyǵyna erekshe nazar aýdaryldy.
Forýmǵa myńǵa jýyq jas qatysty. Olardyń qatarynda stýdentter, jumysshy mamandyq ıeleri, ulttyq kompanııalardyń qyzmetkerleri, medısına salasynyń ókilderi, shyǵarmashyl jastar jáne ózge de belsendi azamattar bar.
Ortalyq referendým komıssııasy úgit jumystarynyń qashan aıaqtalatynyn málimdedi
Jıynda Jezqazǵan qalalyq Jastar resýrstyq ortalyǵynyń dırektory Sáken Qaıratov, «Amanat» partııasynyń «Jastar rýhy» jastar qanaty oblystyq fılıalynyń tóraıymy Nurgúl Talǵatbekova, sondaı-aq «Ular-Ulytaý» qoǵamdyq birlestiginiń tóraǵasy Abaı Oraz sóz sóıledi. Spıkerler jastardyń eldiń qoǵamdyq-saıası ómirine belsendi qatysýynyń mańyzdylyǵyn atap ótip, memleket bolashaǵyna qatysty máselelerde belsendi bolýǵa shaqyrdy.
Forým konserttik baǵdarlamamen jalǵasty. Shara barysynda jas oryndaýshylar patrıottyq ánder oryndady.
Qasym-Jomart Toqaev jastardy referendýmǵa belsene qatysýǵa shaqyrdy
Is-shara ashyq dıalog pen pikir almasýǵa arnalǵan alańǵa aınalyp, óńirdiń belsendi jastaryn aldaǵy referendýmdy qoldaý jáne Qazaqstannyń odan ári damýy ıdeıasy tóńireginde biriktirdi.
Naýryznama onkúndigi aıasynda «Referendým – 2026» atty onlaın marafon ótedi
Ulytaý oblysy