Saıram aýdanynda ornalasqan №533 referendým ýchaskesinde alǵash bolyp daýys bergen azamattarǵa uly aqyn, oıshyl Abaı Qunanbaevtyń kitaptary tartý etildi, dep habarlaıdy Egemen.kz.
Aýdandyq aýmaqtyq referendým komıssııasynyń tóraǵasy Sábıt Appazulynyń aıtýynsha, bul bastama turǵyndardy ulttyq qundylyqtardy dáripteýge jáne qazaq ádebıetiniń klassıkalyq murasymen jaqynyraq tanystyrýǵa baǵyttalǵan. Sondaı-aq daýys berý ýchaskelerinde mádenı-aǵartýshylyq is-sharalar uıymdastyrylyp jatyr.
Astanada alǵashqy daýys berýshilerge syılyqtar tabystaldy
«Mundaı sharalar azamattardyń qoǵamdyq belsendiligin arttyrýmen qatar, rýhanı qundylyqtardy nasıhattaýǵa múmkindik beredi», deıdi komıssııa tóraǵasy.
Qazaqstanda jańa Konstıtýsııa jobasy boıynsha daýys berý bastaldy
Aıta keteıik, oblys boıynsha barlyǵy 947 referendým ýchaskesi óz jumysyn bastady. О́ńirde 1 187 257 azamattyń daýys berý quqyǵy bar. Bul oblys halqynyń 55,4%-yn quraıdy. Daýys berý ýchaskeleri eń kóp ornalasqan óńirler:
Saıram aýdany – 89; Saryaǵash aýdany – 82; Jetisaı aýdany – 75; Tólebı aýdany – 69; Túrkistan qalasy – 65.
Túrkistan oblysy