Qazaqstan satyp alý qabiletiniń parıteti boıynsha álemdegi eń iri ekonomıkalar reıtınginde 36-orynǵa jaıǵasty. Sarapshylar el ekonomıkasynyń kólemin shamamen 973 mıllıard dollar dep baǵalap otyr, dep jazady Egemen.kz.
Visual Capitalist analıtıkalyq jobasynyń deregine sáıkes, satyp alý qabiletiniń parıteti boıynsha eseptelgen jahandyq ekonomıkanyń jalpy kólemi 219,2 trıllıon dollarǵa jetken. Bul kórsetkishtiń jartysyna jýyǵy Azııa elderiniń enshisinde.
Álemdegi eń iri ekonomıka kóshin Qytaı bastap tur – shamamen 43,5 trıllıon dollar. Ekinshi orynda 31,8 trıllıon dollarmen AQSh ornalassa, úshinshi oryn 19 trıllıon dollardan asatyn kórsetkishpen Úndistanǵa tıesili. Al alǵashqy ondyqqa Reseı, Japonııa, Germanııa, Indonezııa, Brazılııa, Fransııa jáne Ulybrıtanııa engen.
Álem ekonomıkasy 219 trln dollardan asty: Azııa kósh bastap tur
Qazaqstan 973 mıllıard dollarlyq kórsetkishpen 36-satydan kórindi. El bul tizimde ekonomıkasy shamamen 988 mıllıard dollardy quraıtyn Sıngapýr men 949 mıllıard dollarlyq kórsetkishke ıe Rýmynııanyń ortasynda tur. Sonymen qatar Qazaqstan Birikken Arab Ámirlikteri, Nıderland, Kolýmbııa jáne Ońtústik Afrıka Respýblıkasy sııaqty eldermen qatarlas ornalasqan.
Halyqaralyq qarjy uıymdarynyń baǵalaýynsha, satyp alý qabiletiniń parıteti kórsetkishi ár eldegi baǵa deńgeıin eskeretindikten, ekonomıkalardyń naqty kólemin salystyrýǵa múmkindik beredi. Iаǵnı bul ádis el ishinde birdeı somaǵa qansha taýar men qyzmet satyp alýǵa bolatynyn esepke alady. Sol arqyly ekonomıkanyń shynaıy aýqymy men óndiris deńgeıin dál kórsetedi.
Sannan sapaǵa kóshý – bıznesti órkendetýdiń basty sharty
Ortalyq Azııa óńirinde Qazaqstan ekonomıkalyq qýaty jaǵynan kósh bastap keledi. El óndiris kólemi men ekonomıkalyq belsendilik deńgeıi boıynsha kórshi memleketterden aıtarlyqtaı alda tur.
О́ńdelgen ónim úlesi artyp keledi