Elimizde kóktemgi áskerge shaqyrý naýqany barysynda jastar myarmy.kz platformasy arqyly merzimdi qyzmetke onlaın ótinim bere alady. Bul múmkindikti iske asyratyn SARBAZ+ jobasy shaqyrylýshylar arasynda erekshe qyzyǵýshylyq týdyryp otyr, dep jazady Egemen.kz.
О́tinim berý úshin saıtqa kirip, qyzmet sharttarymen tanysyp, tıisti formany toltyrý jetkilikti. Júıe úmitkerdi barlyq kezeń boıynsha avtomatty túrde baǵyttaıdy. Aldymen qabyldanǵan ótinim muqııat tekseriledi, sodan keıin áskerı komıssarıatqa medısınalyq tekserýden ótý úshin shaqyrý keledi. Keıin áskerı bólim ókilderimen áńgimelesý ótkizilip, qabyldaý nemese bas tartý týraly sheshim shyǵarylady. Barlyq kezeń ashyq ári túsinikti, qajetti qujattar tizimi saıtta kórsetilgen.
Shopandar men baqtashylardyń balalaryn áskerge shaqyrý keıinge qaldyrylýy múmkin
SARBAZ+ jobasynyń basty ereksheligi – jastarǵa zamanaýı daǵdylardy úıretý. Qyzmet barysynda sarbazdar tek oqý-jaýyngerlik tapsyrmalardy oryndap qana qoımaı, suranysqa ıe mamandyqtardy meńgeredi. Joba ózekti baǵyttar boıynsha maman daıarlaýǵa basymdyq beredi.
Rtel oqý synyptarynda áskerı qyzmetshiler radıobaılanysty meńgeredi, Ashik Aspan baǵdarlamasy arqyly drondardy basqarýdy úırenedi. Budan bólek, Eltex júıelerimen jumys isteýge beıimdeledi, kıberqaýipsizdik jáne derekterdi qorǵaý negizderin oqıdy, jasandy ıntellekt elementterimen tanysady jáne sıfrlyq platformalar arqyly aǵylshyn tilin jetildiredi.
Qazaqstanda kóktemgi áskerge shaqyrý bastaldy
Áskerı bólimde qyzmet etýge qolaıly jaǵdaılar jasalǵan – sport alańdary, jattyǵý zaldary, belsendi demalys aımaqtary jáne elektrondy tır jumys isteıdi. Sondaı-aq, beıneanalıtıka júıesi, «Aı-sulý» boty jáne ARMIA.KZ platformasy sııaqty qoldaý servısteri qyzmet kórsetedi.
Jobanyń tanymaldyǵy joǵary – qazirgi tańda 268 ótinim berilip, odan shamamen 90 ótinim irikteldi. 1 orynǵa shamamen 3 adamnan ótinim túsedi. Oryn sany shekteýli bolǵandyqtan, barlyq úmitker qabyldanbaıdy.
SARBAZ+ jobasy aldaǵy ýaqytta basqa áskerı bólimderge de engizilýi josparlanyp jatyr. Qazirgi áskerge shaqyrý kezeńinde eń qoljetimdi ári yńǵaıly tásil – onlaın ótinim berý bolyp otyr.
Elimizdiń qorǵanys salasynda qandaı sıfrlyq sheshimder engizilgen?