Astana qalasyndaǵy Respýblıkalyq fızıka-matematıka mektebiniń oqýshysy Bórte Saıranbekqyzy Harvard ýnıversıtetine oqýǵa qabyldandy, dep jazady Egemen.kz.
Oqý-aǵartý mınıstrliginiń habarlaýynsha, Bórte Saıranbekqyzy Advanced Placement baǵdarlamasynyń múmkindikterin tıimdi paıdalanǵan. Oqý barysynda tabandylyq pen eńbekqorlyq tanytqan oqýshy 10-synyptan keıin túrli pánder boıynsha 7 emtıhan tapsyryp, AP International Diploma ıegeri atanǵan.
Ol qazaq, orys jáne aǵylshyn tilderin erkin meńgergen. Sonymen qatar qytaı tilin oqyp, Advanced Placement baǵdarlamasy aıasynda qytaı tilinen de emtıhan tapsyrdy. SAT, IELTS, CAE jáne HSK halyqaralyq emtıhandarynda joǵary nátıjeler kórsetken.
Garvardtaǵy dala konstıtýsııasynyń dárisi
«Mektep baǵdarlamasy aıasynda ǵylymı jobalarmen aınalysty. Mekteptiń qoldaýymen halyqaralyq ǵylymı baǵdarlamaǵa irikteýden ótip, AQSh ýnıversıteti professorynyń jetekshiligimen bilim alyp, zertteý jumystaryn júrgizdi. Oqý barysynda Bórte akademııalyq júktemeni áleýmettik jáne shyǵarmashylyq bastamalarmen ushtastyra bildi», delingen mınıstrlik taratqan habarlamada.
Qazaqstan Garvard ýnıversıtetimen birlesken bastamalardy iske asyrady
Úzdik shákirt Harvard University-ge túsý júıeli daıyndyqtyń, turaqty motıvasııanyń jáne tıimdi bilim berý ortasynyń nátıjesi ekenin jetkizdi.