Qazaqstan seısmologtary kórshiles Qyrǵyzstan aýmaǵynda jer silkinisin tirkedi. Jerasty dúmpýleri elorda ýaqytymen 2 sáýir kúni tańǵy 04:28-de bolǵan. Mamandardyń málimetinshe, jer silkinisiniń magnıtýdasy 4,9 baldy qurady, dep jazady Egemen.kz.
Qazaqstannyń seısmıkalyq derekter ortalyǵynyń jedel aqparatyna sáıkes, dúmpýdiń epısentri Qyrǵyzstan aýmaǵynda ornalasqan. Al Qyrǵyz Respýblıkasy Ulttyq ǵylym akademııasy Seısmologııa ınstıtýtynyń deregine saı, jer silkinisiniń oshaǵy Uzgen qalasynan 3 km qashyqtyqta, Kýrshab aýylynan 5 km, Qara-Sýý qalasynan 30 km jáne Osh qalasynan 45 km jerde tirkelgen.
Ártúrli eldi mekenderde jer silkinisiniń áseri árqalaı sezildi. Atap aıtqanda, – Uzgen qalasynda, Myrza-Aryq jáne Karool aýyldarynda – shamamen 4,5 ball; – Kýrshab, Myrza-Ake, Krasnyı Maıak jáne basqa eldi mekenderde – 4 ball; – Qara-Sýý, Otýz-Adyr, Kýrbý-Tash, Nıchke-Saı, Salam-Alık aýyldarynda – 3,5 ball; – Osh, Manas jáne Kók-Iаngak qalalarynda – 3 ball deńgeıinde sezilgen.
Aıta keteıik, buǵan deıin Qazaqstannyń Jetisý oblysynda da jer silkinisteri tirkelgen. 31 naýryz kúni bir táýlikte úsh ret jer silkinisi bolǵan. Alǵashqy dúmpý túnde tirkelip, onyń magnıtýdasy 4,4 ball boldy. Ekinshi jer silkinisi 11:11-de tirkelip, onyń epısentri Jarkent qalasynan 52 km soltústik-batysta ornalasqan.
Bir táýlikte ekinshi ret: Jetisý oblysynda jer silkinisi tirkeldi
Sol kúni taǵy bir dúmpý 13:23-te anyqtalǵan. Onyń epısentri Almaty qalasynan 267 km soltústik-shyǵysta bolǵan. Mamandardyń esepteýinshe, Jarkentte bul dúmpýdiń ıntensıvtiligi 2 ball deńgeıinde sezilgen.
Osylaısha, óńirde seısmıkalyq belsendilik saqtalyp otyr, al mamandar jer silkinisine qatysty derekterdi turaqty túrde baqylap, naqtylap keledi.
Indonezııada magnıtýdasy 7,4 bolatyn jer silkinisi boldy