«Jolaýshylar tasymaly» AQ 1-30 sáýir aralyǵynda suranysqa ıe birqatar baǵyt boıynsha temirjol bıletterine 25% kóleminde kóktemgi jeńildikter engizilgenin habarlady, dep jazady Egemen.kz.
QTJ baspasóz qyzmetiniń málimetinshe, jeńildik belgilengen kezeńde qoldanylady jáne jol júrý qujattaryn resimdeýdiń bekitilgen talaptary saqtalǵan jaǵdaıda jaramdy bolady.
Jeńildik № 105/106 «Petropavl – Almaty», № 77/78 «Almaty – Mańǵystaý» poıyz baǵyttaryna usynylyp otyr. Jeńildikter dúısenbi, seısenbi, sársenbi jáne beısenbi kúnderi qatynaıtyn poıyzdarǵa qoldanylady.
Poıyzdardyń qozǵalysyn retteý úshin Starlink spýtnıktik júıesi qoldanylady
«Qosymsha retinde № 65/66 «Astana – Qyzylorda» baǵyty boıynsha týrıst (2D, kýpe) vagondaryna 25% jeńildik qarastyrylǵan. Bul baǵytta jeńildik bıletterdi aldyn ala, poıyz jóneltiletin kúnge deıin 45-ten 15 kún buryn satyp alǵan jaǵdaıda usynylady jáne týrıst (2D, kýpe) sanatyndaǵy vagondarǵa tómengi jáne joǵarǵy oryndarǵa qoldanylady», delingen QTJ taratqan habarlamada.
Endi Astanadan Taldyqorǵanǵa tikeleı poıyz qatynaıtyn bolady