Qazaqstanda quqyq qorǵaý organdary qyzmetkerlerine shabýyl jasaǵany úshin jaza kúsheıtildi. Bas prokýratýranyń bastamasymen sot sheshimi qaıta qaralyp, sottalǵandardyń jazasy bostandyǵyn shekteýden naqty bas bostandyǵynan aıyrýǵa ózgertildi, dep jazady Egemen.kz.
Oqıǵa Atyraý oblysynda tirkelgen. Bir top azamat qoǵamdyq orynda spırttik ishimdik iship, janjal shyǵarǵan. Tártip buzýshylardy toqtatý úshin oqıǵa ornyna polısııa qyzmetkeri shaqyrtylǵan. Alaıda quqyq buzýshylar polısııanyń zańdy talaptaryna baǵynbaı, oǵan kúsh kórsetken.
Janjal barysynda olar aǵash zat pen tastardy paıdalanyp, polısııa qyzmetkerine aýyr dene jaraqatyn salǵan, kózine zaqym kelip, jaǵy synǵan. Bul – qyzmettik mindetin oryndap júrgen adamǵa jasalǵan aýyr shabýyl.
Batys Qazaqstan oblysynda polısııaǵa baǵynbaǵan bir top azamat ustaldy
Sot bastapqyda aıyptalýshylarǵa bostandyqty shekteý túrindegi jaza taǵaıyndaǵan. Alaıda Bas prokýratýra bul sheshimdi jasalǵan qylmystyń aýyrlyǵyna saı emes dep taýyp, kassasııalyq narazylyq engizdi.
Nátıjesinde sot sheshimi qaıta qaralyp, aıyptalýshylarǵa naqty bas bostandyǵynan aıyrý jazasy taǵaıyndaldy. Bul sheshim quqyq qorǵaý organdary qyzmetkerleriniń qaýipsizdigin qamtamasyz etýdiń mańyzyn aıqyn kórsetti.
Qostanaıda polıseıge shabýyl jasaǵandar 10-15 jylǵa deıin sottalýy múmkin
Bas prokýratýra atap ótkendeı, mundaı isterde jazanyń bultartpastyǵy prınsıpi saqtalýy tıis. Sebebi qyzmettik mindetin atqaryp júrgen tulǵalarǵa qarsy kúsh qoldaný quqyqtyq memleket qaǵıdattaryna qaıshy keledi.
О́skemende patrýldik polısııaǵa shabýyl jasaldy