Memleket basshysy Nursultan Nazarbaev «Qazaqstannyń halyq banki» AQ Dırektorlar keńesiniń tóraǵasy Aleksandr Pavlovty qabyldady, dep habarlady Prezıdenttiń baspasóz qyzmeti.
Kezdesýde eldiń bank júıesin odan ári damytý máseleleri talqylandy.
Qazaqstan Prezıdenti ekinshi deńgeıli bankterge artylar jaýapkershilik zor ekenine, «Nurly Jol» baǵdarlamasyn qarjylandyrý úshin otandyq ekonomıkaǵa solar arqyly qarajat baǵyttalatynyna nazar aýdardy.
Memleket basshysy bul baǵdarlama shaǵyn jáne orta bıznesti damytýda, sondaı-aq, qarjy júıesin saýyqtyrýda mańyzdy ról atqarýy tıis ekendigin aıtty.
A.Pavlov Qazaqstan bankteriniń búginde syrtqy faktorlardyń yqpaly men álemdik naryqtardaǵy turaqsyzdyq saldarlaryn sezinip otyrǵanyna toqtaldy. Osyǵan baılanysty ol ulttyq valıýtadaǵy lıkvıdtilikti arttyrý úshin bólinip otyrǵan qarajat búkil bank salasynyń ornyqtylyǵyna oń áserin tıgizedi degen pikir bildirdi.
Sýretterdi túsirgender
S.BONDARENKO, B.OTARBAEV.