Ishki ister mınıstrligi azamattarǵa konsertter men buqaralyq is-sharalarǵa bılet satyp alý kezinde barynsha muqııat bolýdy eskertedi. О́ıtkeni ınternet keńistiginde bılet satý nemese alyp-satý boıynsha alaıaqtyq áreketter jıilep ketken, dep habarlaıdy Egemen.kz.
Vedomstvonyń habarlaýynsha, jelide jalǵan habarlandyrýlar men deldaldar arqyly usynylatyn kúmándi qyzmetter kóbeıgen. Alaıaqtar bılet alyp berýge «kepildik» usynyp, olardy qymbat baǵada satýy nemese jalǵan bıletter taratýy múmkin. Nátıjesinde azamattar aqsha aýdarǵanymen, bıletterin ala almaı jatady.
Alaıaqqa aldanǵan jaǵdaıda aqshany qaıtarý múmkin be?
Osyǵan baılanysty Ishki ister mınıstrligi turǵyndardy qyraǵy bolýǵa shaqyrady. Konsertter men ózge de is-sharalarǵa bıletterdi tek resmı jáne senimdi kózderden satyp alý usynylady. Sondaı-aq beıtanys adamdarǵa aqsha aýdarýdan bas tartý qajet. Mundaı saqtyq sharalary alaıaqtyqtyń aldyn alýǵa kómektesedi.